Sinoptikterdiń boljamynsha, respýblikanyń basym aýmaǵynda aýa temperatýrasy qaita tómendeidi. Qazaqstannyń jaqyn kúnderindegi aýa raiyn Povolje men Ońtústik Oral aýdandarynan jyljyp kele jatqan atmosferalyq fronttar qalyptastyrady, dep habarlaidy "Ult aqparat".
Olardyń yqpalynan respýblikanyń soltústik jartysynda kei jerlerge ótkinshi jańbyr jaýyp, kún kúrkireidi, kún kúrkireý kezinde daýyldy jel kúsheiip, aýa temperatýrasynyń tómendeýi kútiledi.
Qazaqstannyń ońtústik jartysynyń keibir aýdandaryna ótkinshi jańbyr jaýýy múmkin. Ystyq bosańsyp, kúndizgi temperatýra +30+39-dan +25+30 deiin tómendeidi.
6-7 maýsym aralyǵynda jeldiń kúsheiýine bailanysty Batys Qazaqstan oblysynda daýyldyq eskertý jariialanǵan. 6 maýsym kúni kúndiz Batys Qazaqstan oblysy boiynsha kei jerlerde naizaǵai, burshaq jaýýy múmkin, batystan soǵatyn jeldiń jyldamdyǵy 15-20 m/s-ke kúsheiedi.
Oral qalasynda da 6 maýsym kúndiz naizaǵai, burshaq jaýýy múmkin, batystan soǵatyn jeldiń ekpini 18 m/s deiin kúsheiedi.
7 maýsymda Batys Qazaqstan oblysy boiynsha kei jerlerde batystan soǵatyn jeldiń jyldamdyǵy 15-20 m/s-ke kúsheiedi.
