سينوپتيكتەردٸڭ بولجامىنشا, رەسپۋبليكانىڭ باسىم اۋماعىندا اۋا تەمپەراتۋراسى قايتا تٶمەندەيدٸ. قازاقستاننىڭ جاقىن كٷندەرٸندەگٸ اۋا رايىن پوۆولجە مەن وڭتٷستٸك ورال اۋداندارىنان جىلجىپ كەلە جاتقان اتموسفەرالىق فرونتتار قالىپتاستىرادى, دەپ حابارلايدى "ۇلت اقپارات".
ولاردىڭ ىقپالىنان رەسپۋبليكانىڭ سولتٷستٸك جارتىسىندا كەي جەرلەرگە ٶتكٸنشٸ جاڭبىر جاۋىپ, كٷن كٷركٸرەيدٸ, كٷن كٷركٸرەۋ كەزٸندە داۋىلدى جەل كٷشەيٸپ, اۋا تەمپەراتۋراسىنىڭ تٶمەندەۋٸ كٷتٸلەدٸ.
قازاقستاننىڭ وڭتٷستٸك جارتىسىنىڭ كەيبٸر اۋداندارىنا ٶتكٸنشٸ جاڭبىر جاۋۋى مٷمكٸن. ىستىق بوساڭسىپ, كٷندٸزگٸ تەمپەراتۋرا +30+39-دان +25+30 دەيٸن تٶمەندەيدٸ.
6-7 ماۋسىم ارالىعىندا جەلدٸڭ كٷشەيۋٸنە بايلانىستى باتىس قازاقستان وبلىسىندا داۋىلدىق ەسكەرتۋ جارييالانعان. 6 ماۋسىم كٷنٸ كٷندٸز باتىس قازاقستان وبلىسى بويىنشا كەي جەرلەردە نايزاعاي, بۇرشاق جاۋۋى مٷمكٸن, باتىستان سوعاتىن جەلدٸڭ جىلدامدىعى 15-20 م/س-كە كٷشەيەدٸ.
ورال قالاسىندا دا 6 ماۋسىم كٷندٸز نايزاعاي, بۇرشاق جاۋۋى مٷمكٸن, باتىستان سوعاتىن جەلدٸڭ ەكپٸنٸ 18 م/س دەيٸن كٷشەيەدٸ.
7 ماۋسىمدا باتىس قازاقستان وبلىسى بويىنشا كەي جەرلەردە باتىستان سوعاتىن جەلدٸڭ جىلدامدىعى 15-20 م/س-كە كٷشەيەدٸ.
