Foto: pexels.com
Qazaqstanda búgin, 9 qyrkúiekte, memlekettik qyzmetshilerdiń qumar oiyndarǵa qatysýyna tyiym salatyn zań kúshine endi, oǵan shildede prezident qol qoiylǵan bolatyn, dep habarlaidy Ult.kz.
Qumar oiyndar men lotereia qyzmetine qatysty túzetýler kúshine endi. Qumar oiyndarǵa/bás tigýlerge qatysýǵa tyiym salynǵan tulǵalar tizimi keńeitildi. Bul tizimge qosymsha túrde Birińǵai boryshkerler tiziminde turǵan adamdar (oryndaý óndiristeri boiynsha boryshkerler týraly málimetterdi qamtityn elektrondy derekqor) engizildi. Memlekettik jaýapty laýazymdy tulǵalardyń, memlekettik fýnktsiialardy oryndaýǵa ýákiletti tulǵalardyń jáne olarǵa teńestirilgen tulǵalardyń qumar oiyndarǵa/bás tigýlerge qatysýy antikorrýptsiialyq shekteý arqyly shekteldi.
Endi memlekettik qyzmetshiler, áskeri qyzmetshiler, arnaiy jáne quqyq qorǵaý organdarynyń qyzmetkerleri, biýdjettik uiymdardyń basshylary qumar oiyndarǵa/bás tigýlerge qatysa almaidy. Bul shekteýdi saqtamaǵany úshin jumystan bosatý kózdelgen.
Sonymen qatar, resmi Aqordanyń Telegram-daǵy arnasynda buryn habarlanǵandai, qumar oiyn biznesin uiymdastyrýshylardyń qyzmetin retteý mehanizmderi kúsheitildi. Týrizm jáne sport ministrligi qumar oiyn mekemesiniń, býkmekerlik keńseniń, totalizatordyń, bás tigý jáne ótkiziletin qumar oiyndardyń/bás tigýlerdiń jumysyn retteitin tiptik erejelerdi bekitedi. Qumar oiyn biznesiniń sýbektileri osy erejelerge sáikes jumys isteýi kerek.
Býkmekerlik keńseler men totalizatorlardyń jarnamasyna shekteýler engizildi. Býkmekerlik keńseler men totalizatorlardyń syrtqy (vizýaldy) jarnamasyna, olardyń kóliktik quraldarda, buqaralyq aqparat quraldarynda, kino, video jáne anyqtamalyq qyzmetterde jarnama jasaýyna tyiym salyndy.
Taǵy bir ereksheligi, býkmekerlik keńse nemese totalizator ornalasqan jerdegi syrtqy jarnama; sport ǵimarattarynyń ishinde jáne sportshylardyń jabdyqtarynda; tirkelgen, sport taqyrybyndaǵy buqaralyq aqparat quraldarynda jáne otandyq telearnalarda halyqaralyq sport jarystaryn tikelei efirde kórsetkende ǵana jarnama ruqsat etiledi. Lotereia qyzmetin retteý mehanizmderi jańartyldy.
Atap aitqanda, turǵyn úilerde, jataqhanalarda, dini ǵimarattarda, mádeni uiymdardyń ǵimarattary men qurylystarynda, sondai-aq áleýmettik nysandarda (bilim berý, densaýlyq saqtaý) lotereia biletterin taratýǵa jáne lotereia terminaldaryn ornatýǵa tyiym salyndy, sonyń ishinde olardan júz metr radiýsta. Aita keteiik, 15 naýryzda Ulttyq quryltai otyrysynda Qasym-Jomart Toqaev lýdomaniia máselesine toqtalyp, úkimetke Qazaqstanda bul máselemen kúres josparyn bekitý qajet ekenin aitqan edi.
