Qazaqstanda qoi eti bir jylda 14 paiyzǵa qymbattady, - dep habarlaidy Tengrinews.kz.
2021 jylǵy maýsymda eldegi bazarlar men dúkenderde qoi eti bir kelisi úshin 2,3 myń teńgeden satylǵan. Bul bir jyl burynǵyǵa qaraǵanda 14,4 paiyzǵa qymbat. Elimizdiń iri qalalary men megapolisteri arasynda eń joǵary baǵa Nur-Sultan, Almaty (bir kelisi úshin 2,9 myń teńgeden) jáne Qaraǵandyda (bir kelisi úshin 2,6 myń teńgeden); eń tómen baǵa - Oral men Petropavlda (bir kelisi úshin 1,7 myń teńgeden) baiqalǵan.
Qoi etiniń bir jylda edáýir qymbattaýy Almatyda tirkelgen: birden 22,6 paiyz. Batys Qazaqstan jáne Almaty oblystarynda da qoi eti aitarlyqtai qymbattady.
2021 jyldyń shildesine qarai elde 22,9 million bas qoi sanaldy. Bul bir jyl burynǵyǵa qaraǵanda 3,6 paiyzǵa kóp. Onyń ishinde 11,8 million basy halyq sharýashylyǵyna, 9,9 million basy jeke kásipkerler men fermerlik sharýashylyqtarǵa, 1,2 million basy aýylsharýashylyq kásiporyndaryna tiesili bolǵan.
Óńirlik bóliniste eń kóp qoi sany Túrkistan oblysynda: 5,5 million bas, bir jyl buryn 5,1 million bas bolǵan. Bul jylyna 6,6 paiyzǵa artqanyn kórsetedi.
Kósh basynda Almaty (4,3 million bas qoi, 4,7 paiyzǵa kóp) jáne Jambyl (3,4 million bas, 3,7 paiyzǵa kóp) oblystary tur.
Jarty jyl ishinde elimizde 35,5 myń tonna qoi júni alynǵan. Bul bir jyl burynǵyǵa qaraǵanda 2,2 paiyzǵa kóp. Onyń ishinde 56,1 paiyzy halyq sharýashylyqtarynda (19,9 myń tonna jún, oǵan qosa jylyna 1,3 paiyz), 39,7 paiyzy JK sharýashylyqtarynda jáne fermerlik sharýashylyqtarda (14,1 myń tonna, oǵan qosa 2,8 paiyz), 4,3 paiyzy aýyl sharýashylyǵy kásiporyndarynda (barlyǵy 1,5 myń tonna, oǵan qosa 9,4 paiyz) alynǵan.
2021 jylǵy qańtar–maýsymda sharýashylyqtarda tiri salmaqta 131,8 myń tonna (2,1 paiyz) jáne taza salmaqta 65,7 myń tonna (jylyna pliýs 1,9 paiyz) qoi soiyldy nemese soiýǵa ótkizildi.
