قازاقستاندا قوي ەتٸ بٸر جىلدا 14 پايىزعا قىمباتتادى, - دەپ حابارلايدى Tengrinews.kz.
2021 جىلعى ماۋسىمدا ەلدەگٸ بازارلار مەن دٷكەندەردە قوي ەتٸ بٸر كەلٸسٸ ٷشٸن 2,3 مىڭ تەڭگەدەن ساتىلعان. بۇل بٸر جىل بۇرىنعىعا قاراعاندا 14,4 پايىزعا قىمبات. ەلٸمٸزدٸڭ ٸرٸ قالالارى مەن مەگاپوليستەرٸ اراسىندا ەڭ جوعارى باعا نۇر-سۇلتان, الماتى (بٸر كەلٸسٸ ٷشٸن 2,9 مىڭ تەڭگەدەن) جەنە قاراعاندىدا (بٸر كەلٸسٸ ٷشٸن 2,6 مىڭ تەڭگەدەن); ەڭ تٶمەن باعا - ورال مەن پەتروپاۆلدا (بٸر كەلٸسٸ ٷشٸن 1,7 مىڭ تەڭگەدەن) بايقالعان.
قوي ەتٸنٸڭ بٸر جىلدا ەدەۋٸر قىمباتتاۋى الماتىدا تٸركەلگەن: بٸردەن 22,6 پايىز. باتىس قازاقستان جەنە الماتى وبلىستارىندا دا قوي ەتٸ ايتارلىقتاي قىمباتتادى.
2021 جىلدىڭ شٸلدەسٸنە قاراي ەلدە 22,9 ميلليون باس قوي سانالدى. بۇل بٸر جىل بۇرىنعىعا قاراعاندا 3,6 پايىزعا كٶپ. ونىڭ ٸشٸندە 11,8 ميلليون باسى حالىق شارۋاشىلىعىنا, 9,9 ميلليون باسى جەكە كەسٸپكەرلەر مەن فەرمەرلٸك شارۋاشىلىقتارعا, 1,2 ميلليون باسى اۋىلشارۋاشىلىق كەسٸپورىندارىنا تيەسٸلٸ بولعان.
ٶڭٸرلٸك بٶلٸنٸستە ەڭ كٶپ قوي سانى تٷركٸستان وبلىسىندا: 5,5 ميلليون باس, بٸر جىل بۇرىن 5,1 ميلليون باس بولعان. بۇل جىلىنا 6,6 پايىزعا ارتقانىن كٶرسەتەدٸ.
كٶش باسىندا الماتى (4,3 ميلليون باس قوي, 4,7 پايىزعا كٶپ) جەنە جامبىل (3,4 ميلليون باس, 3,7 پايىزعا كٶپ) وبلىستارى تۇر.
جارتى جىل ٸشٸندە ەلٸمٸزدە 35,5 مىڭ توننا قوي جٷنٸ الىنعان. بۇل بٸر جىل بۇرىنعىعا قاراعاندا 2,2 پايىزعا كٶپ. ونىڭ ٸشٸندە 56,1 پايىزى حالىق شارۋاشىلىقتارىندا (19,9 مىڭ توننا جٷن, وعان قوسا جىلىنا 1,3 پايىز), 39,7 پايىزى جك شارۋاشىلىقتارىندا جەنە فەرمەرلٸك شارۋاشىلىقتاردا (14,1 مىڭ توننا, وعان قوسا 2,8 پايىز), 4,3 پايىزى اۋىل شارۋاشىلىعى كەسٸپورىندارىندا (بارلىعى 1,5 مىڭ توننا, وعان قوسا 9,4 پايىز) الىنعان.
2021 جىلعى قاڭتار–ماۋسىمدا شارۋاشىلىقتاردا تٸرٸ سالماقتا 131,8 مىڭ توننا (2,1 پايىز) جەنە تازا سالماقتا 65,7 مىڭ توننا (جىلىنا پليۋس 1,9 پايىز) قوي سويىلدى نەمەسە سويۋعا ٶتكٸزٸلدٸ.
