Eńbek jáne halyqty áleýmettik qorǵaý ministrliginiń Kóshi-qon jónindegi komiteti qurylyp jatyr. Bul týraly Premer-Ministrdiń orynbasary Eraly Toǵjanov aitty, dep habarlaidy QazAqparat.
«Tiimdi eńbek naryǵyn qurý úshin eldiń migratsiialyq saiasatyn damytýdyń mańyzdylyǵy az emes. Sondyqtan Prezident Joldaýynda Kóshi-qon saiasatynyń jańa tujyrymdamasyn ázirleý mindetin qoidy. QR Eńbek jáne halyqty áleýmettik qorǵaý ministrliginiń Kóshi-qon jónindegi komiteti qurylady», - dedi Eraly Toǵjanov Úkimettegi onlain baspasóz máslihatynda.
Sonymen qatar ol eldiń ońtústik óńirlerinen soltústigine qarai qonys aýdaratyn turǵyndarǵa tólem jasaýdyń tetigi jetildiriletinin atap ótti. Qonys aýdarǵandarǵa úi qurylysyna arnalǵan jer teliminen bólek, aýyl sharýashylyǵyn júrgizýge de jer usyný múmkindigi jasalady.
