Nursultan Nazarbaev «Habar» arnasyna bergen suhbatynda eldegi «qos bilik» týraly qaýesetke pikir bildirdi, dep habarlaidy "Ult aqparat" «Habar» arnasyna silteme jasap.
Suhbat barysynda Nursultan Nazarbaevqa eldegi «qos bilik» týraly suraq qoiyldy.
«Mundai tujyrymǵa esh negiz joq, sebebi Qazaqstan prezidenttik basqarý formasy bar ýnitarly memleket. Men jol kórsetemin, ózderi keńesedi, keńes beremin, suramasa – keńes bermeimin (kúldi). Óz Otanyma, óz elime qyzmet etýdi jalǵastyryp kelemin», - dep jaýap berdi Nursultan Nazarbaev.
Aita keteiik, suhbattyń tolyq nusqasy búgin «Habar» arnasynda saǵat 21.30-da kórsetiledi.
Osy suhbat barysynda Elbasy prezidenttikten ketkenine ókinbeitinin aitqan bolatyn.
