QR densaýlyq saqtaý ministri Eljan Birtanov jańa koronavirýstyń zerthanalyq diagnostikasy qalai anyqtalatynyn málim etti, dep habarlaidy "Ult aqparat".
«nCoV-2019 jańa koronavirýsynyń zerthanalyq diagnostikasy asa qaýipti infektsiialar ulttyq ǵylymi ortalyǵynyń ortalyq referens zerthanasynda (ORZ) DDSU men AQSh-tyń aýrýlardy baqylaý jáne aldyn alý ortalyǵynyń ádistemesine sáikes Ulttyq biotehnologiialar ortalyǵymen birlesip Real-Time RT-PCR ádisimen júrgiziledi. Tynys alý joldarynan, qaqyryq, jótel kezinde bronhtan bólinetin zat, sondai-aq qan sarysýy analizge alynady. Sarapshylar patsientten alynǵan synamany zerthanalyq testileýden ótkizip, koronavirýstyń RNK tekseredi, bul koronovirýstyq infektsiiany anyqtaýǵa múmkindik beredi» dep jazdy ministri Facebook-tegi paraqshasynda.
Ministrdiń málimetine sai, barlyq protsedýralar CDC/DDSU hattamasyna sáikes diagnostikalyq júie boiynsha oryndalady. Tumaý maýsymyn eskere otyryp, koronavirýstyń simptomdary baiqalǵan jaǵdaida, aýrýdyń aldyn alý úshin barlyq patsientter tumaýǵa, JRVI jáne basqa da koronavirýs túrlerine qarsy qosymsha tekserýden ótedi.
Sondai-aq, densaýlyq saqtaý ministri synamalardy tekserý tártibin de keltirdi.
«Naýqastardyń teris jáne oń synamalary Densaýlyq saqtaý ministrliginiń Qoǵamdyq densaýlyq saqtaý Ulttyq ortalyǵynyń virýstyq infektsiialardy baqylaý jónindegi DDSU akkredittelgen zerthanasynyń bazasynda qaita tekserýden ótedi. Diagnostikanyń sońǵy satysy retinde synama DDSU yntymaqtasqan zerthanasyna qaita jiberiledi. Koronavirýsqa tapsyrylǵan analiz diagnostikadan ótkenshe patsientti meditsina qyzmetkerleri táýlik boiy baqylaýda ustaidy jáne olar meditsinalyq mekemelerdiń oqshaýlanǵan bokstarynda bolady», - deidi ol.
Onyń aitýynsha, qazir ORZ bazasynda koronavirýsqa qarsy 100 synama zerttelgen, nátijesinde virýs juqtyrǵan adam anyqtalǵan joq.
