Qazaqstanda koronavirýske shaldyqqandardyń deni 20-30 jas aralyǵyndaǵy azamattar. Bul týraly Soronavirus2020 saitynyń statistikalyq málimetinde aityldy, dep habarlaidy "Ult aqparat".
Aqparatqa súiensek, Qazaqstanda koronavirýs juqtyrýdyń kóp jaǵdaiy nemese 54,99 paiyzy naýqastarmen jaqyn qarym-qatynasta bolǵandar arasynda tirkeldi. Shetelden alyp kelgenderdiń úlesi – 7,49 paiyz, jergilikti jerde juqtyrǵandar – 36,36 paiyz bolyp otyr.
Naýqastardyń 83,27 paiyzy syrqatty jeńil kóterse, 15,09 paiyzy ortasha kúide, al 1,18 paiyzy aýyr jaǵdaida ótkerýde.
Indetke shaldyqqandardyń 38,88 paiyzy – áielder, 61,12 paiyzy – erler.
Qazaqstanda koronavirýs juqtyrǵandardyń kóbi – 20-30 jas aralyǵynda (29,65 paiyzy). Sondai-aq 4,77 paiyzy – 0-10 jasar balalar, 10,29 paiyzy – 10-20 jastaǵylar, 20,87 paiyzy – 30-40 jas, 15,42 paiyzy – 40-50 jas, 11,81 paiyzy – 50-60 jas, 6,98 paiyzy – 60 jastan asqandar.
