Atyraýǵa Reseidiń Astrahan oblysynan kelgen 5 dáriger naýqastardy emdeýge kiristi, dep habarlaidy "Ult aqparat".
«Qazaqstan bizge eń jaqsy jaǵdaidy jasady. Biz óte rizamyz» deidi astrahandyq dárigerler tobynyń jetekshisi Anna Chepel. Ol bul pikirin caspian-eurasia.com saityna bildirgen.
Ótken aptada Atyraý oblysynyń ákimi Mahambet Dosmuhambetovtiń Reseidegi Astrahan oblysynyń gýbernatory Igor Babýshkinmen aradaǵy kelisimine sáikes 5 dáriger kelgen bolatyn.
Qazir astrahandyq dárigerler úsh topqa bólingen. Olar oblystyq, infektsiialyq aýrýhanalar men kardiologiialyq ortalyqta jasaqtalǵan gospitalde jumys isteýde.
«Bizdi úsh topqa bóldi. Eki topta ekeýden, al bir topta bir dáriger bar. Keshe «qyzyl» aimaqqa kirdik. Ár dárigerdiń óz bólimshesi bar. Emdeý taktikasynyń ózindik ereksheligi bar. Biraq, aitarlyqtai kóp emes. Jumys kóp. Biraq, qazaqstandyq áriptestermen úilesimdi jumystyń nátijesinde bári de rettelip jatyr», - deidi Anna Chepel.
Onyń aitýynsha, astrahandyq dárigerler kúnine jergilikti standart boiynsha 6 saǵat jumys isteidi. Dárigerler naýqastardy tekserip, em júrgizedi.
«Qazaqstanda bizge tamaqpen, jatyn orynmen qamtýda baǵytynda eń jaqsy jaǵdai jasaldy. Biz óte rizamyz» deidi dáriger Anna Chepel.
