«Olimp» klinikalyq-diagnostikalyq ortalyǵy elimizde koronavirýsty anyqtaýǵa arnalǵan jedel-test baǵasy qansha bolatyndyǵyn jariia etti, dep habarlaidy QazAqparat.
«Sábi» qorynyń qaiyrymdylyq kómegi aiasynda eń aldymen táýekel tobyna kiretin patsientterge tegin jedel-test júrgizý josparlanyp otyr. Ol úshin taiaý ýaqytta adresi belgili bolatyn saitta arnaiy saýalnamany toltyrý qajet. Epidemiologtar saýalnamalardy óńdep bolǵannan keiin táýekel faktory bar patsientter testten ótýge shaqyrylady», - dep atap ótedi atalǵan zerthanadan.
Taratylǵan aqparatta jedel-testilerdiń alǵashqy toptamasy Qazaqstanǵa jetkizilip, Nur-Sultan men Almaty qalalaryna 50 myńnan beriledi. Tegin testileý jasalyp bolǵannan keiin Qazaqstannyń barlyq qalalarynda aqyly túrde jedel-testileý júrgiziledi. Onyń boljamdy quny 4 myńnan 5 myń teńgege deiin bolady. Aqyly testileýdiń qashan bastalatyndyǵy qosymsha habarlanbaq.
Buǵan deiin QR DSM Taýarlar men qyzmetterdiń sapasyn jáne qaýipsizdigin baqylaý komitetiniń tóraǵasy Liýdmila Biýrabekova qazaqstandyqtardyń koronavirýsty anyqtaý testin aqyly tapsyra alatyndyǵyn aitqan edi.
