Búgingi tańda elimiz boiynsha koronavirýs juqtyrǵan 9 541 adam em alyp jatyr, dep habarlaidy "Ult aqparat" Densaýlyq saqtaý ministrliginiń Telegram kanalyna silteme jasap.
Emdelip jatqandardyń arasynda 49 sábi bar. Statsionarlarda 4 786 naýqas jatyr, 4 755 adam ambýlatoriialyq em alýda. Jalpy naýqastardyń arasynda 305 adamnyń ahýaly nashar. Sonyń ishinde 56 naýqastyń ahýaly asa qatty aýyr dep baǵalanýda. 47 naýqas jasandy tynys alý apparatynda apparatynda jatyr.
«QR Densaýlyq saqtaý ministrligi budan bylai táýliktik nátijeler týraly aqparatty kún saiyn únemi úzbei jariialap otyrady. Barlyq málimet resmi saitta jáne vedomstvonyń áleýmettik jelilerdegi paraqshalary arqyly taratylady. Atap aitqanda, naýqastardyń jalpy sany jóninde, qaitys bolý derekteri týraly jáne de qoǵam úshin mańyzdy ahýaldyń barlyǵy resmi aqparat taratý kózderinde jedel jariialanyp turady. Al, aimaqtardaǵy ahýal týraly aqparatty apta saiyn Densaýlyq saqtaý ministrliginiń resmi ókili arnaiy press-brifingte habarlap turady», - delingen habarlamada.
