Qazaqstanda ótken táýlikte koronavirýs juqtyrǵany zerthanada dáleldengen 2 267 adam tirkeldi. Byltyrǵy naýryzdan beri elde Covid-pen aýyrǵandar sany 371 015 adamǵa jetti.
22 mamyrdaǵy málimet boiynsha, qazir Qazaqstanda 35 myńnan astam adam koronavirýs infektsiiasynan emdelip jatyr, sonyń ishinde 12 822 naýqas aýrýhanada. 701 adamnyń jaǵdaiy aýyr, 172 patsienttiń jaǵdaiy óte aýyr, 95 naýqas ókpe jeldetkish apparatqa qosylǵan.
Senbide denasaýlyq saqtaý ministrligi jariialaǵan jańa málimetke sáikes, elde PTR testi teris nátije kórsetkenimen, koronavirýs belgileri bar 102 naýqas tirkelgen. Byltyrǵy tamyzdan bergi esep boiynsha, elde "kovidtektes pnevmoniiamen" 54 605 adam aýyrǵan.
Amerikalyq Djons Hopkins ýniversiteti Qazaqstandaǵy Covid pen "pnevmoniia" derekterin qosa eseptep, bul elde koronavirýstyń jańa túrin juqtyrǵandar sany 425 myń boldy degen málimet berdi.
Ótken beisenbide Qazaqstanda koronavirýstan 22 adam, al "kovidtektes pnevmoniiadan" 3 adam kóz jumǵan. Pandemiia bastalǵaly beri koronavirýstan 3 767 adam, al "pnevmoniiadan" — 3 335 adam qaitys bolǵan.
Osy aptada densaýlyq saqtaý ministrligi jaǵdaidy saralap, aimaqtardan jańa tsifrlardy alǵan soń indetten kóz jumǵandar statistikasyn jańartty. Jańarǵan statistika boiynsha, 2020 jylǵy naýryz ben 2021 jylǵy sáýir aralyǵynda Qazaqstanda Covid pen oǵan uqsas "pnevmoniiadan" 6,5 myńdai adam kóz jumǵan. Bul buryn aitylyp júrgennen eki myńǵa kóp.
Densaýlyq saqtaý ministrliginiń málimeti boiynsha, elde koronavirýs ekpesiniń birinshi komponentin salǵyzǵandar 1,97 millionǵa jetip, ekinshi komponentin salǵyzǵandar 903 myńnan asqan. Aqpanda bastalǵan ekpe naýqany aiasynda turǵyndarǵa Reseide ázirlenip, Qaraǵandyda shyǵarylyp jatqan "Spýtnik V", jergilikti QazVac jáne qytailyq Sinopharm kompaniiasynyń BAÁ-de óndirilgen vaktsinasy salynyp jatyr.
Koronavirýs juqtyrǵandardyń aimaqtar boiynsha tolyq deregi:
Nur-Sultan qalasy - 351,
Almaty qalasy - 521,
Shymkent qalasy - 74,
Aqmola oblysy - 134,
Aqtóbe oblysy - 68,
Almaty oblysy - 179,
Atyraý oblysy - 119,
Shyǵys Qazaqstan oblysy - 94,
Jambyl oblysy - 31,
Batys Qazaqstan oblysy - 102,
Qaraǵandy oblysy - 326,
Qostanai oblysy - 40,
Qyzylorda oblysy - 27,
Mańǵystaý oblysy - 43,
Pavlodar oblysy - 93,
Soltústik Qazaqstan oblysy - 29,
Túrkistan oblysy - 36.
