720-dan astam meditsina qyzmetkeri COVID-19 infektsiiasyn jáne pnevmoniiany juqtyrýyna bailanysty tólem aldy. Bul jaily Eńbek jáne halyqty áleýmettik qorǵaý ministrligi málimet taratty, dep habarlaidy "Ult aqparat".
COVID-19-ben kúresýge tartylǵan 729 meditsina qyzmetkeri koronavirýs infektsiiasyn nemese virýstyq pnevmoniiany juqtyrǵan jaǵdaida memlekettik áleýmettik saqtandyrý qorynan birjolǵy áleýmettik tólemdi aldy. Sondai-aq, aýrý saldarynan qaitys bolǵan 3 meditsina qyzmetkeriniń týystaryna járdemaqy aýdardy.
Budan buryn habarlanǵandai, joǵaryda atalǵan tólem tólenetin meditsina qyzmetkerlerin óńirlerdiń jáne respýblikalyq mańyzy bar qalalardyń densaýlyq saqtaý basqarmalary janyndaǵy arnaiy komissiialar aýyrǵan meditsina qyzmetkerlerin tekserý nátijeleri negizinde anyqtaidy. Ótinimderdiń jinaqtaýdy QR Densaýlyq saqtaý ministrligi júzege asyrady, odan keiin ótinimder elektrondyq is maketterin qalyptastyrý úshin «Azamattarǵa arnalǵan úkimet» memlekettik korporatsiiasy» KEAQ-qa beriledi, keiin tólem taǵaiyndaý úshin atalǵan qorǵa jiberiledi.
21 tamyz saǵat 9.00-degi jaǵdai boiynsha, COVID-19 nemese virýstyq pnevmoniia juqtyrǵan 729 meditsina qyzmetkeriniń ótinishi boiynsha jáne aýrýdyń saldarynan qaitys bolǵan 3 meditsina qyzmetkerine aqshalai qarajatty taǵaiyndap, tóledi.
Óńirler bólinisinde meditsina qyzmetkerlerine COVID-19 nemese virýstyq pnevmoniiany juqtyrý jaǵdaiyna tólemderdiń eń kóp sany Almaty (77), Aqmola (75) oblystarynan, Almaty (74) jáne Nur-Sultan (67) qalalarynan, sondai-aq Batys Qazaqstan oblysynan (66) júrgizildi.
Esterińizge sala keteiik, QR Eńbek jáne halyqty áleýmettik qorǵaý ministri men QR Densaýlyq saqtaý ministriniń 9 sáýirdegi birlesken buiryǵyna 22 shildede engizilgen ózgeristerge sáikes joǵaryda kórsetilgen tólem:
– koronavirýs nemese virýstyq pnevmoniia juqtyrǵan meditsina qyzmetkerlerine – 2 mln teńge;
– COVID-19 koronavirýs infektsiiasyn juqtyryp nemese virýstyq pnevmoniiamen aýyryp qaitys bolǵan jaǵdaida olardyń otbasyna – 10 mln teńge kóleminde tólenedi.
