Nur-Sultanda taǵy bir adamnan koronavirýs tabyldy, dep habarlaidy "Ult aqparat".
Coronavirus2020.kz taratqan aqparatqa qaraǵanda, búgin tańǵy 12:00 jaǵdai boiynsha elimizde koronavirýs juqtyrǵandar sany 68 boldy.
Dál qazirgi ýaqytta Nur-Sultanda – 35, Almatyda – 29, Qaraǵandyda – 2, Almaty oblysynda - 1 jáne Aqtóbe qalasynda 1 jaǵdai tirkelgen.
Aita keteiik, Elimizde koronavirýsqa qatysty 13 naýryz kúni tótenshe jaǵdai rejimi engizildi. Oǵan sáikes teatrlar, kinoteatrlar, saýda oiyn-saýyq ortalyqtarynyń jumysy toqtaǵan bolatyn.
Keshe, 23 naýryz kúni óńirlerde aýmaǵy 2 myń sharshy metrden kem emes iri saýda oiyn-saýyq ortalyqtary saǵat 10:00-den 18:00-ge deiin jumys isteýge ruqsat beriledi.
Olardyń ishindegi azyq-túlik dúkenderi men dárihanalar jumysyn ádettegi rejim boiynsha jalǵastyrady. Aýlalardaǵy dúkender de jumysyn toqtatpaidy.
Azyq-túlik emes bazarlar saǵat 11:00-den 17:00-ge deiin jumys isteidi. Sanitarlyq sharalar kúsheitiledi.
Ózgeris karantin jariialanǵan astana men Almaty qalalarynan basqa aýmaqta qoldanylady. Alaida ákim men bas sanitar dárigerdiń sheshimimen qosymsha shekteý engizilýi múmkin.
