QR DSM Qoǵamdyq densaýlyq saqtaý ulttyq ortalyǵy koronavirýstyq infektsiia máseleleri boiynsha Telegram-botty iske qosty, dep habarlaidy "Ult aqparat".
Qoǵamdyq densaýlyq saqtaý ulttyq ortalyǵy (QDSUO) iske qosqan Telegram-bottyń kómegimen paidalanýshylar COVID-2019 koronavirýstyq infektsiiasy boiynsha suraqtarǵa jaýap ala alady.
«Bul botty iske qosýdyń maqsaty — el azamattarynyń koronavirýs jónindegi suraqqa jaýap alý rásimin jeńildetý. Aqparat alý úshin chattaǵy «Start« batyrmasyn basý kerek. Aqparat suraý úshin paidalanýshy chattyń tiisti túimelerin basý arqyly pármenderdi jiberý kerek. Budan ári paidalanýshy jaýaptardy kóre alady. Onyń qyzmetterin paidalaný úshin Telegramǵa tirkelgen paidalanýshy bolý kerek» delingen habarlamada.
«Koronavirýs-shuǵyl jeli» Telegram-boty koronavirýstyq infektsiia týraly negizgi aqparatty (koronavirýs degenimiz ne, berilý joldary, simptomdary, inkýbatsiialyq kezeńi, juqtyryp alýdan qalai qorǵaný kerek, karantinge kim alynady jáne t.b.) qamtidy. Bot eki tilde: orys jáne qazaq tilderinde qoljetimdi.
Sonymen qatar, koronavirýs máseleleri boiynsha QDSUO bazasynda táýlik boiy call – ortalyq (1406) jumys isteidi, tel. 8 7172 768 043.
