QR Densaýlyq saqtaý ministri Aleksei Tsoi koronavirýsqa qarsy vaktsinanyń birinshi jáne ekinshi komponenti qansha adamǵa salynǵanyn aitty, dep habarlaidy "Ult aqparat".
«Koronavirýs infektsiiasyna qarsy vaktsinatsiia jalǵasyp jatyr. 1 sáýirden bastap vaktsinalaýǵa jatatyn tulǵalar sanaty keńeitildi. Búginde vaktsinanyń birinshi komponentimen 217 070 azamat, al ekinshi komponentimen 79 541 azamat egildi. Myń turǵynǵa shaqqandaǵy kórsetkish 11,5 boldy. Onyń ishinde meditsina qyzmetkerleriniń 40, pedagogterdiń 17, kúshtik qurylymdardyń 7,7 paiyzy, meditsinalyq-áleýmettik mekemelerdegi qyzmetkerlerdiń 0,5 paiyzy ekpe aldy», - dedi ministr Ortalyq kommýnikatsiialar qyzmetindegi brifing barysynda.
Onyń atap ótýinshe, ekpe alǵan adamdardyń 0,8 paiyzynda ýaqytsha dene qyzýynyń kóterilýi syndy belgiler baiqaldy.
«Sáýirde ekpe alýǵa tiisti kotingenttiń 24,4 paiyzyn nemese shamamen 2 mln azamatty ekpemen qamtý josparlanyp otyr», - dedi Aleksei Tsoi.
