QR Densaýlyq saqtaý ministrliginiń resim ókili Baǵdat Qojahmetov koronavirýsqa qarsy vaktsinanyń baǵasy qai somada bolýy múmkin ekenin aitty, dep habarlaidy "Ult aqparat".
«Ózderińiz bilesizder, koronavirýsqa qarsy vaktsina áli daiyn emes. Oǵan áli birtalai ýaqyt bar. Sáikesinshe, bul vaktsinanyń baǵasy qandai bolatyny belgisiz», - dedi resmi ókil Ortalyq kommýnikatsiialar qyzmetinde.
Onyń sózine qaraǵanda, boljamdar boiynsha vaktsina quny tumaýǵa qarsy ekpeniń baǵasymen birdei bolýy múmkin.
Qazaqstanda tumaýǵa qarsy vaktsina 2200 - 4500 teńge aralyǵynda bolatynyn budan buryn habarlaǵan edik.
Sondai-aq aita keteiik, búginde koronavirýs infektsiiasyna qarsy «QazCovid-in» qazaqstandyq vaktsinasynyń klinikalyq synaǵyna qatysýǵa 627 adamnan ótinim túsken.
