Elimizde koronavirýs juqtyrý qarqyny men vaktsinalaý qatar ósip keledi. Bul týraly Qoǵamdyq densaýlyq saqtaý ulttyq ortalyǵynyń basqarma tóraǵasynyń orynbasary Ainagúl Qýatbaeva Ortalyq kommýnikatsiialar qyzmetinde aitty, dep habarlaidy QazAqparat.
«Búgingi tańda jer sharyndaǵy pandemiianyń qozdyrǵysh virýsynyń ártúrli nusqalary keń taralýyna bailanysty vaktsinatsiiaǵa degen suranys, talpynys, vaktsinamen qamtamasyz etý belsendiligi kóptegen memleketterde baiqalýda. Jer sharynda 182 millionnan astam adam koronavirýs juqpasymen aýyrǵan. Ókinishke qarai, sonyń arasynda 3,9 mln ólim-jitim oqiǵasy tirkelip otyr», - dep bastady sarapshy.
Qazaqstanda da pandemiia bastalǵannan beri virýs juqtyrǵandardyń sany birtindep jarty milliondyq mejege jaqyndap keledi.
«Qazaqstanda laboratoriiamen dáleldengen 423 137 koronavirýs indeti anyqtalǵan. Onyń ishinde sońǵy táýlikte 2016 jaǵdai tirkelgen. Sonymen qatar, koronavirýsqa yqtimaldyǵy joǵary, pnevmoniiamen qatar júretin 57 025 jaǵdai tirkelgen bolsa, sońǵy táýlikte 83 fakti belgili boldy», - dedi Qoǵamdyq densaýlyq saqtaý ulttyq ortalyǵynyń ókili.
