ەلٸمٸزدە كوروناۆيرۋس جۇقتىرۋ قارقىنى مەن ۆاكتسينالاۋ قاتار ٶسٸپ كەلەدٸ. بۇل تۋرالى قوعامدىق دەنساۋلىق ساقتاۋ ۇلتتىق ورتالىعىنىڭ باسقارما تٶراعاسىنىڭ ورىنباسارى ايناگٷل قۋاتباەۆا ورتالىق كوممۋنيكاتسييالار قىزمەتٸندە ايتتى, دەپ حابارلايدى قازاقپارات.
«بٷگٸنگٸ تاڭدا جەر شارىنداعى پاندەمييانىڭ قوزدىرعىش ۆيرۋسىنىڭ ەرتٷرلٸ نۇسقالارى كەڭ تارالۋىنا بايلانىستى ۆاكتسيناتسيياعا دەگەن سۇرانىس, تالپىنىس, ۆاكتسينامەن قامتاماسىز ەتۋ بەلسەندٸلٸگٸ كٶپتەگەن مەملەكەتتەردە بايقالۋدا. جەر شارىندا 182 ميلليوننان استام ادام كوروناۆيرۋس جۇقپاسىمەن اۋىرعان. ٶكٸنٸشكە قاراي, سونىڭ اراسىندا 3,9 ملن ٶلٸم-جٸتٸم وقيعاسى تٸركەلٸپ وتىر», - دەپ باستادى ساراپشى.
قازاقستاندا دا پاندەمييا باستالعاننان بەرٸ ۆيرۋس جۇقتىرعانداردىڭ سانى بٸرتٸندەپ جارتى ميلليوندىق مەجەگە جاقىنداپ كەلەدٸ.
«قازاقستاندا لابوراتورييامەن دەلەلدەنگەن 423 137 كوروناۆيرۋس ٸندەتٸ انىقتالعان. ونىڭ ٸشٸندە سوڭعى تەۋلٸكتە 2016 جاعداي تٸركەلگەن. سونىمەن قاتار, كوروناۆيرۋسقا ىقتيمالدىعى جوعارى, پنەۆمونييامەن قاتار جٷرەتٸن 57 025 جاعداي تٸركەلگەن بولسا, سوڭعى تەۋلٸكتە 83 فاكتٸ بەلگٸلٸ بولدى», - دەدٸ قوعامدىق دەنساۋلىق ساقتاۋ ۇلتتىق ورتالىعىنىڭ ٶكٸلٸ.
