22 sáýirde Qazaqstanda 2894 adamnan koronavirýs infektsiiasy anyqtaldy. Bir kún buryn bul kórsetkish 2893 bolǵan. (Bul málimetke koronavirýs testi oń shyqqan naýqastar ǵana kirip otyr).
Beisenbi kúni Almatyda – 698, Nur-Sultanda 511 adamnan koronavirýs infektsiiasy anyqtalǵan. Qaraǵandy oblysynda – 228, Aqtóbe oblysynda – 226, Almaty oblysynda 195 naýqas tirkelgen. Ótken aidyń sońynan beri Almaty oblysynda alǵash ret 200-den tómen kórsetkish tirkelip otyr.
2020 jyldyń naýryz aiynan beri 300 733 adamnyń koronavirýs testi oń shyqqan.
Al, 22 sáýirdegi málimet boiynsha, 40 441 adam koronavirýs infektsiiasynan (39 943 KVI+ jáne 498 KVI-) emdelip júr. Olardyń ishinde 14 387 patsient statsionarda, 26 054 naýqas ambýlatoriialyq deńgeide emdelip júr.
KVI+, KVI- shaldyqqandardyń arasynda:
• 689 adamnyń jaǵdaiy aýyr;
• 171 patsienttiń jaǵdaiy óte aýyr;
• 97 naýqas ÓJJ apparatynda jatyr.
Densaýlyq saqtaý ministrliginiń habarlaýynsha, sársenbi kúni 107 adamǵa koronavirýs pnevmoniiasy diagnozy qoiylǵan, 29 adam – koronavirýstan, 3 adam koronavirýs pnevmoniiasynan qaitys boldy dep aitylady.
2020 jyldyń 1 tamyzynan beri koronavirýs pnevmoniiaǵa shaldyqqandar 52 255-ke jetken. 764 adam ólimi tirkelgen. Qoǵamdyq densaýlyq saqtaý ulttyq ortalyǵynyń bazasynda koronavirýs pnevmoniiasy "belgisiz virýs, Covid-19" retinde kórsetilgen.
Densaýlyq saqtaý ministrligi koronavirýsqa uqsas pnevmoniia esebin 2020 jyldyń 2 tamyzynan bastap jariialai bastaǵan. Koronavirýs pnevmoniiasy byltyr jazdyń alǵashqy eki aiynda qatty órshigenine qaramastan jalpy statistikaǵa maýsym men shilde ailarynyń málimeti kirmegen.
2020 jyldyń naýryz aiynan beri koronavirýs testi oń shyqqandar arasynda 3512 adam ólimi tirkelgen. Oǵan arnaiy komissiia "Covid-ten emes, basqa aýrýdan qaitys boldy" delingen myńnan astam adam ólimi enbegen.
Kóptegen sarapshylar koronavirýs juqqandar men odan qaitys bolǵandar resmi málimette kórsetilgen derekten áldeqaida kóp dep sanaidy. Indet órshigen shaqta maýsym men shilde ailarynda koronavirýstyń jeńil nemese ortasha aýyr túrine shaldyqqandar úide emdelip, meditsinalyq mekemelerge barmaǵan. Keibiri aýrýhanada oryn bolmaǵanyn aitqan.
Qazaqstanda byltyr adam óliminiń resmi kórsetkishi de óte joǵary boldy. Ulttyq statistika biýrosynyń málimetinshe, byltyr 11 aida elde 149 myńnan astam adam qaitys bolǵan. Bul 2019 jyldyń osy kezeńimen salystyrǵanda 22 paiyzǵa (27 myń adam) kóp.
Ministrliktiń málimetinshe, elde 823 498 adam (halyqtyń 4,3 paiyzy) koronavirýsqa qarsy vaktsinanyń keminde alǵashqy dozasyn alǵan.
Amerikalyq Djons Hopkins ýniversitetiniń málimetinshe, álemde 144,3 mln adam koronavirýsqa shaldyqqan, úsh millionnan astamy qaitys bolǵan.
