Qazaqstanda koronavirýs juqtyrǵandardy qandai dári-dármekpen emdep jatyr? Bul suraqqa Densaýlyq saqtaý ministrliginiń Facebook paraqshasynda bergen suhbatynda «SQ-Farmatsiia» JShS-niń basqarma tóraǵasy Berik Shárip jaýap berdi, – dep habarlaidy QazAqparat.
«COVID-2019 aýrýy boiynsha dárigerlerimiz virýsqa qarsy birshama preparattardy paidalanýda. Onyń biri – alývia lopinaviry. Ol sonymen qatar VICh-infektsiiasyn juqtyrǵan patsientterdiń aǵzasyna qysymdy azaitý úshin qoldanylady. Jalpy koronavirýs juqtyrǵandardy emdeý úshin Densaýlyq saqtaý ministrligi arnaiy klinikalyq hattamany bekitken bolatyn. Ol hattamaǵa Dúniejúzilik densaýlyq saqtaý uiymy keńes bergen preparattar da engizildi», - dedi Berik Shárip.
Bul týraly tolyǵyraq málimetti bilý úshin Berik Shárip COVID-2019 aýrýy boiynsha klinikalyq hattamaǵa bir kóz júgirtip shyǵýǵa keńes beredi.
«Jalpy dáriger retinde aitar bolsam, koronavirýs ta – virýstyń bir túri. Sol sebepti aǵzaǵa túsetin virýstyń qysymyn azaitý úshin qajetti preparattar qoldanylady. Biz bul preparatty (alývia lopinaviry) 10 myń adamǵa arnap aqpan aiynyń ózinde daiyndap qoiǵan bolatynbyz. Sonymen qatar koronavirýsqa qarsy aldyn ala gidroslihlorit, hlorino-fosfattardy ákeldik. Osynyń bári de klinikalyq hattamaǵa sáikes emge paidalanylady», - dedi Berik Shárip.
«SQ-Farmatsiia» JShS-niń basqarma tóraǵasy atalǵan preparattardyń qory bizdiń elde jetkilikti ekenin aitty.
