Qazaqstanda koronavirýs pen koronavirýsqa uqsas pnevmoniia juqtyrǵandar kóbeiip jatyr. 27 maýsymda 1701 naýqas anyqtalǵan. 1686-ynyń PTR testi oń shyqqan. Qazaqstan biligi naýqastardyń kóbeiýin elde koronavirýstyń jyldam taraityn túri "úndistandyq shtamnyń" kelýimen túsindiredi.
Jeksenbi kúni Nur-Sultanda – 507, Qaraǵandy oblysynda – 278, Almatyda – 215, Shymkentte – 103, Batys Qazaqstan oblysynda 101 adamnyń PTR testi oń shyqqan. Qalǵan oblystar men qalalarda anyqtalǵan naýqastar júzge jetpeidi.
Aqmola, Aqtóbe jáne Qyzylorda oblystary koronavirýs boiynsha "jasyldan" "sary aimaqqa" ótti. Buǵan deiin "sary aimaqta" úsh oblystan bólek, Shymkent, Qostanai jáne Mańǵystaý oblystary bolǵan. Qazir "jasyl aimaqta" Almaty oblysy, Shyǵys Qazaqstan oblysy, Jambyl, Pavlodar, Túrkistan, Soltústik Qazaqstan oblystary ǵana qalǵan. Nur-Sultan, Almaty, Atyraý, Batys Qazaqstan jáne Qaraǵandy oblystary "qyzyl aimaqta" tur.
26 maýsymda 11 adam qaitys bolǵan: 10 adamnyń ólimine – koronavirýs, 1 adamnyń ólimine koronavirýs pnevmoniiasy sebep boldy dep aitylady.
2020 jyldyń naýryz aiynan beri elde 419 800 adamnyń PTR testi oń shyqqan, 4316-sy qaitys bolǵan. Koronavirýs pnevmoniiasyn juqtyrǵandar 56 940 adamǵa jetti. 3443-i kóz jumǵan.
28 maýsymdaǵy derekter boiynsha, qazir el óńirlerinde 24 001 adam koronavirýs infektsiiasynan (22 707 KVI+ jáne 1 294 KVI-) emdelip jatyr. Olardyń ishinde 7 307 patsient - statsionarda, 16 694 naýqas ambýlatoriialyq deńgeide em qabyldaýda.
KVI+, KVI- shaldyqqandardyń arasynda:
- 474 adamnyń jaǵdaiy aýyr,
- 98 patsienttiń jaǵdaiy óte aýyr,
- 66 naýqas ókpeni jasandy jeldetý apparatyna qosylǵan.
Sońǵy málimet boiynsha, 3 mln 165 myń adam koronavirýsqa qarsy vaktsinanyń keminde bir dozasyn alǵan. 1 mln 905 myń adam eki dozasyn alǵan.
Bilik halyqtyń yntasyn oiatý úshin buǵan deiin vaktsina alýshylar arasynda páter, kólik siiaqty qymbat syilyqtar oinata bastaǵan. Aqparatqa qaraǵanda, osydan soń Almaty men Nur-Sultan qalalarynda vaktsinaǵa kezek kóbeigen. 27 maýsymda elde 48 myń adamǵa vaktsina salynǵan. Degenmen elde "jalǵan vaktsina alýshylar qatary" kóbeigeni týraly da aqparat bar.
Aimaqtar boiynsha koronavirýs juqtyrǵandar sany:
Nur-Sultan qalasy - 507
Almaty qalasy - 215
Shymkent qalasy - 103
Aqmola oblysy - 43
Aqtóbe oblysy - 35
Almaty oblysy - 33
Atyraý oblysy - 73
Shyǵys Qazaqstan oblysy - 70
Jambyl oblysy - 36
Batys Qazaqstan oblysy - 101
Qaraǵandy oblysy - 278
Qostanai oblysy - 42
Qyzylorda oblysy - 28
Mańǵystaý oblysy - 38
Pavlodar oblysy - 33
Soltústik Qazaqstan oblysy - 13
Túrkistan oblysy - 38
