قازاقستاندا كوروناۆيرۋس پەن كوروناۆيرۋسقا ۇقساس پنەۆمونييا جۇقتىرعاندار كٶبەيٸپ جاتىر. 27 ماۋسىمدا 1701 ناۋقاس انىقتالعان. 1686-ىنىڭ پتر تەستٸ وڭ شىققان. قازاقستان بيلٸگٸ ناۋقاستاردىڭ كٶبەيۋٸن ەلدە كوروناۆيرۋستىڭ جىلدام تارايتىن تٷرٸ "ٷندٸستاندىق شتامنىڭ" كەلۋٸمەن تٷسٸندٸرەدٸ.
جەكسەنبٸ كٷنٸ نۇر-سۇلتاندا – 507, قاراعاندى وبلىسىندا – 278, الماتىدا – 215, شىمكەنتتە – 103, باتىس قازاقستان وبلىسىندا 101 ادامنىڭ پتر تەستٸ وڭ شىققان. قالعان وبلىستار مەن قالالاردا انىقتالعان ناۋقاستار جٷزگە جەتپەيدٸ.
اقمولا, اقتٶبە جەنە قىزىلوردا وبلىستارى كوروناۆيرۋس بويىنشا "جاسىلدان" "سارى ايماققا" ٶتتٸ. بۇعان دەيٸن "سارى ايماقتا" ٷش وبلىستان بٶلەك, شىمكەنت, قوستاناي جەنە ماڭعىستاۋ وبلىستارى بولعان. قازٸر "جاسىل ايماقتا" الماتى وبلىسى, شىعىس قازاقستان وبلىسى, جامبىل, پاۆلودار, تٷركٸستان, سولتٷستٸك قازاقستان وبلىستارى عانا قالعان. نۇر-سۇلتان, الماتى, اتىراۋ, باتىس قازاقستان جەنە قاراعاندى وبلىستارى "قىزىل ايماقتا" تۇر.
26 ماۋسىمدا 11 ادام قايتىس بولعان: 10 ادامنىڭ ٶلٸمٸنە – كوروناۆيرۋس, 1 ادامنىڭ ٶلٸمٸنە كوروناۆيرۋس پنەۆمونيياسى سەبەپ بولدى دەپ ايتىلادى.
2020 جىلدىڭ ناۋرىز ايىنان بەرٸ ەلدە 419 800 ادامنىڭ پتر تەستٸ وڭ شىققان, 4316-سى قايتىس بولعان. كوروناۆيرۋس پنەۆمونيياسىن جۇقتىرعاندار 56 940 ادامعا جەتتٸ. 3443-ٸ كٶز جۇمعان.
28 ماۋسىمداعى دەرەكتەر بويىنشا, قازٸر ەل ٶڭٸرلەرٸندە 24 001 ادام كوروناۆيرۋس ينفەكتسيياسىنان (22 707 كۆي+ جەنە 1 294 كۆي-) ەمدەلٸپ جاتىر. ولاردىڭ ٸشٸندە 7 307 پاتسيەنت - ستاتسيوناردا, 16 694 ناۋقاس امبۋلاتورييالىق دەڭگەيدە ەم قابىلداۋدا.
كۆي+, كۆي- شالدىققانداردىڭ اراسىندا:
- 474 ادامنىڭ جاعدايى اۋىر,
- 98 پاتسيەنتتٸڭ جاعدايى ٶتە اۋىر,
- 66 ناۋقاس ٶكپەنٸ جاساندى جەلدەتۋ اپپاراتىنا قوسىلعان.
سوڭعى مەلٸمەت بويىنشا, 3 ملن 165 مىڭ ادام كوروناۆيرۋسقا قارسى ۆاكتسينانىڭ كەمٸندە بٸر دوزاسىن العان. 1 ملن 905 مىڭ ادام ەكٸ دوزاسىن العان.
بيلٸك حالىقتىڭ ىنتاسىن وياتۋ ٷشٸن بۇعان دەيٸن ۆاكتسينا الۋشىلار اراسىندا پەتەر, كٶلٸك سيياقتى قىمبات سىيلىقتار ويناتا باستاعان. اقپاراتقا قاراعاندا, وسىدان سوڭ الماتى مەن نۇر-سۇلتان قالالارىندا ۆاكتسيناعا كەزەك كٶبەيگەن. 27 ماۋسىمدا ەلدە 48 مىڭ ادامعا ۆاكتسينا سالىنعان. دەگەنمەن ەلدە "جالعان ۆاكتسينا الۋشىلار قاتارى" كٶبەيگەنٸ تۋرالى دا اقپارات بار.
ايماقتار بويىنشا كوروناۆيرۋس جۇقتىرعاندار سانى:
نۇر-سۇلتان قالاسى - 507
الماتى قالاسى - 215
شىمكەنت قالاسى - 103
اقمولا وبلىسى - 43
اقتٶبە وبلىسى - 35
الماتى وبلىسى - 33
اتىراۋ وبلىسى - 73
شىعىس قازاقستان وبلىسى - 70
جامبىل وبلىسى - 36
باتىس قازاقستان وبلىسى - 101
قاراعاندى وبلىسى - 278
قوستاناي وبلىسى - 42
قىزىلوردا وبلىسى - 28
ماڭعىستاۋ وبلىسى - 38
پاۆلودار وبلىسى - 33
سولتٷستٸك قازاقستان وبلىسى - 13
تٷركٸستان وبلىسى - 38
