21 maýsymda Qazaqstanda koronavirýs juqqan taǵy 943 adam anyqtaldy. 20 maýsymda 1 adam koronavirýs pnevmoniiasyna shaldyqqan, 13 adam qaitys bolǵan: 7 adam – koronavirýstan, 6 adam koronavirýs pnevmoniiasynan kóz jumdy dep aitylady.
Dúisenbi kúni Nur-Sultanda – 323, Qaraǵandy oblysynda – 153, Almatyda – 110, Shymkentte – 17, Aqmola oblysynda – 33, Aqtóbe oblysynda – 7, Almaty oblysynda – 27, Atyraý oblysynda – 26, Shyǵys Qazaqstan oblysynda – 64, Jambyl oblysynda – 22, Batys Qazaqstan oblysynda – 13, Qostanai oblysynda – 31, Qyzylorda oblysynda – 30, Mańǵystaý oblysynda – 12, Pavlodar oblysynda – 43, Soltústik Qazaqstan oblysynda – 15, Túrkistan oblysynda 17 naýqas tirkelgen.
2020 jyldyń naýryz aiynan beri elde 410 523 adamnyń koronavirýs testi oń shyqqan. 4249-y qaitys bolǵan. Buǵan qosa, koronavirýs pnevmoniiasyna shaldyqqandar 56 546 adamǵa jetti. 3430-y kóz jumǵan dep aitylady. Elde koronavirýs pen koronavirýs pnevmoniiasyna shaldyqqandar bólek esepteledi. Biraq halyqaralyq uiymdardyń saitynda eki kórsetkish biriktirilgen.
Qazir Nur-Sultan qalasy koronavirýs boiynsha "qyzyl aimaqta" qalyp otyr. Shymkent qalasy, Atyraý, Batys Qazaqstan jáne Qaraǵandy oblystary, Almaty qalasy - "sary aimaqta". Qalǵan oblystar men qalalar "jasyl aimaqta".
21 330 adam koronavirýstan emdelip jatyr. (20 myńnan astamynyń PTR testi oń shyqqan). Statsionarda 6310 adam emdelip jatyr. 15 020 adam ambýlatorlyq jaǵdaida emdelip júr. 419 adamnyń jaǵdaiy aýyr, 95 patsienttiń jaǵdaiy óte aýyr, 59 adam jasandy tynys apparatyna qosylǵan.
22 maýsym kúngi úkimet otyrysy kezinde premer-ministr Asqar Mamin Qazaqstanda epidemiologiialyq jaǵdai turaqty bolǵanmen kórshi elderde virýs órship jatyr dep málimdep, shekarada baqylaýdy kúsheitýdi tapsyrdy. Keiingi kezde Qazaqstan kórshisi Qyrǵyzstan men Reseide virýs kúsheigen.
Bir kún buryn Qazaqstan densaýlyq saqtaý ministrligi elde tez juǵatyn "úndistandyq shtamǵa uqsaityn virýs mýtatsiiasy anyqtaldy" dep aitqan. Zertteýdiń túpkilikti qorytyndysy áli jariialanbady.
Qazaqstanda 2 mln 809 myń adam koronavirýsqa qarsy vaktsinanyń keminde bir dozasyn alǵan. 1 mln 715 myńy eki dozasyn alǵan. Azamattarǵa reseilik "Spýtnik V", qazaqstandyq QazVac jáne qytailyq Sinopharm jáne "Sinovac Biotech Ltd" kompaniiasynyń CoronaVac (Sinovac) vaktsinasy egilip jatyr.
Amerikalyq Djons Hopkins ýniversitetiniń dereginshe, indet bastalǵaly beri álemde 178 mln 730 myń adamnan koronavirýs anyqtalǵan. 3 mln 871 myń adam qaitys bolǵan.
