21 ماۋسىمدا قازاقستاندا كوروناۆيرۋس جۇققان تاعى 943 ادام انىقتالدى. 20 ماۋسىمدا 1 ادام كوروناۆيرۋس پنەۆمونيياسىنا شالدىققان, 13 ادام قايتىس بولعان: 7 ادام – كوروناۆيرۋستان, 6 ادام كوروناۆيرۋس پنەۆمونيياسىنان كٶز جۇمدى دەپ ايتىلادى.
دٷيسەنبٸ كٷنٸ نۇر-سۇلتاندا – 323, قاراعاندى وبلىسىندا – 153, الماتىدا – 110, شىمكەنتتە – 17, اقمولا وبلىسىندا – 33, اقتٶبە وبلىسىندا – 7, الماتى وبلىسىندا – 27, اتىراۋ وبلىسىندا – 26, شىعىس قازاقستان وبلىسىندا – 64, جامبىل وبلىسىندا – 22, باتىس قازاقستان وبلىسىندا – 13, قوستاناي وبلىسىندا – 31, قىزىلوردا وبلىسىندا – 30, ماڭعىستاۋ وبلىسىندا – 12, پاۆلودار وبلىسىندا – 43, سولتٷستٸك قازاقستان وبلىسىندا – 15, تٷركٸستان وبلىسىندا 17 ناۋقاس تٸركەلگەن.
2020 جىلدىڭ ناۋرىز ايىنان بەرٸ ەلدە 410 523 ادامنىڭ كوروناۆيرۋس تەستٸ وڭ شىققان. 4249-ى قايتىس بولعان. بۇعان قوسا, كوروناۆيرۋس پنەۆمونيياسىنا شالدىققاندار 56 546 ادامعا جەتتٸ. 3430-ى كٶز جۇمعان دەپ ايتىلادى. ەلدە كوروناۆيرۋس پەن كوروناۆيرۋس پنەۆمونيياسىنا شالدىققاندار بٶلەك ەسەپتەلەدٸ. بٸراق حالىقارالىق ۇيىمداردىڭ سايتىندا ەكٸ كٶرسەتكٸش بٸرٸكتٸرٸلگەن.
قازٸر نۇر-سۇلتان قالاسى كوروناۆيرۋس بويىنشا "قىزىل ايماقتا" قالىپ وتىر. شىمكەنت قالاسى, اتىراۋ, باتىس قازاقستان جەنە قاراعاندى وبلىستارى, الماتى قالاسى - "سارى ايماقتا". قالعان وبلىستار مەن قالالار "جاسىل ايماقتا".
21 330 ادام كوروناۆيرۋستان ەمدەلٸپ جاتىر. (20 مىڭنان استامىنىڭ پتر تەستٸ وڭ شىققان). ستاتسيوناردا 6310 ادام ەمدەلٸپ جاتىر. 15 020 ادام امبۋلاتورلىق جاعدايدا ەمدەلٸپ جٷر. 419 ادامنىڭ جاعدايى اۋىر, 95 پاتسيەنتتٸڭ جاعدايى ٶتە اۋىر, 59 ادام جاساندى تىنىس اپپاراتىنا قوسىلعان.
22 ماۋسىم كٷنگٸ ٷكٸمەت وتىرىسى كەزٸندە پرەمەر-مينيستر اسقار مامين قازاقستاندا ەپيدەميولوگييالىق جاعداي تۇراقتى بولعانمەن كٶرشٸ ەلدەردە ۆيرۋس ٶرشٸپ جاتىر دەپ مەلٸمدەپ, شەكارادا باقىلاۋدى كٷشەيتۋدٸ تاپسىردى. كەيٸنگٸ كەزدە قازاقستان كٶرشٸسٸ قىرعىزستان مەن رەسەيدە ۆيرۋس كٷشەيگەن.
بٸر كٷن بۇرىن قازاقستان دەنساۋلىق ساقتاۋ مينيسترلٸگٸ ەلدە تەز جۇعاتىن "ٷندٸستاندىق شتامعا ۇقسايتىن ۆيرۋس مۋتاتسيياسى انىقتالدى" دەپ ايتقان. زەرتتەۋدٸڭ تٷپكٸلٸكتٸ قورىتىندىسى ەلٸ جارييالانبادى.
قازاقستاندا 2 ملن 809 مىڭ ادام كوروناۆيرۋسقا قارسى ۆاكتسينانىڭ كەمٸندە بٸر دوزاسىن العان. 1 ملن 715 مىڭى ەكٸ دوزاسىن العان. ازاماتتارعا رەسەيلٸك "سپۋتنيك V", قازاقستاندىق QazVac جەنە قىتايلىق Sinopharm جەنە "Sinovac Biotech Ltd" كومپانيياسىنىڭ CoronaVac (Sinovac) ۆاكتسيناسى ەگٸلٸپ جاتىر.
امەريكالىق دجونس حوپكينس ۋنيۆەرسيتەتٸنٸڭ دەرەگٸنشە, ٸندەت باستالعالى بەرٸ ەلەمدە 178 ملن 730 مىڭ ادامنان كوروناۆيرۋس انىقتالعان. 3 ملن 871 مىڭ ادام قايتىس بولعان.
