Qazaqstan densaýlyq saqtaý ministrligi 4 mamyr 18.40-taǵy málimetine sai, elde taǵy 40 adamnan koronavirýs tabyldy. Olardyń basym bóligi Almaty qalasynda - 26 adam. Budan bólek, Almaty oblysynda alty, BQO-da tórt, Túrkistan oblysynda eki, Aqmola oblysy men Nur-Sultan qalasynda bir-bir adam dertke shaldyqty.
Qazir Qazaqstanda barlyǵy 4028 adamnan (dúisenbide 108) virýs tabyldy. 1134 adam dertten aiyqty. 27 adam qaitys boldy.
Qazaqstannyń bas sanitarlyq dáriger Aijan Esmaǵambetova elde koronavirýs taraýy turaqtalyp kele jatqanyn, keiingi eki aptada infektsiia taraýy 7 paiyzdan tómen ekenin aitty.
Esmaǵambetovanyń sózinshe, naýryzda dertke shaldyqqandarmen bailanysta bolǵandardan jáne shetelden kelgenderden virýs tabylsa, sáýirde 1862 adamnan ( 52%) virýs profilaktikaly test alý kezinde anyqtalǵan.
Densaýlyq saqtaý ministrliginiń málimetinshe, Qazaqstanda 13 naýryz – 4 mamyr arasynda 306 861 adamnan analiz alynǵan.
Koronavirýs juqtyrǵan 4028 adam myna aimaqtarda:
- Almaty qalasy – 1317
- Nur-Sultan qalasy – 701
- Qyzylorda oblysy – 214
- Shymkent qalasy – 213
- Batys Qazaqstan oblysy – 193
- Atyraý oblysy – 184
- Aqtóbe oblysy – 160
- Qaraǵandy oblysy – 159
- Almaty oblysy – 156
- Jambyl oblysy – 154
- Pavlodar oblysy – 150
- Túrkistan oblysy – 143
- Aqmola oblysy – 101
- Mańǵystaý oblysy – 74
- Qostanai oblysy – 50
- Soltústik Qazaqstan oblysy – 30
- Shyǵys Qazaqstan oblysy – 29
Ministrlik mamyrdyń sońyna deiin 5300 adamǵa virýs juǵady dep boljaidy. Elde koronavirýs taraýyna bailanysty 11 mamyrǵa deiin tótenshe jaǵdai jáne karantin jariialanǵan.
