10 qarashada Qazaqstanda 568 adamǵa koronavirýs juqqany testpen rastaldy. Bir kúnde 218 adam jazyldy. Densaýlyq saqtaý ministrliginiń 11 qarasha tańerteń taratqan habarlamasynda osyndai aqparat jazylǵan.
Seisenbi kúni Shyǵys Qazaqstan oblysynda - 237, Qostanai oblysynda - 61, Pavlodar oblysynda - 52, Aqmola oblysynda - 45, Nur-Sultanda - 37, Almaty qalasynda 30, Soltústik Qazaqstan oblysynda - 30, Batys Qazaqstan oblysynda - 24, Almaty oblysynda - 14, Qaraǵandy oblysynda - 12, Aqtóbe oblysynda - 7, Atyraý oblysynda - 7, Jambyl oblysynda - 5, Shymkent qalasynda - 3, Mańǵystaý oblysynda - 2, Túrkistan oblysynda 2 adamnan koronavirýs infektsiiasy anyqtalǵan. Qyzylorda oblysynda bir táýlik ishinde birde-bir naýqas tirkelmegen.
Naýryz aiynan beri 117 904 adamǵa koronavirýs juqqany PTR-testpen rastalǵan, sodan beri 1905 adam koronavirýstan qaitys bolǵan. 108 myń adam jazylǵan.
1 tamyzdan beri 39 115 adam koronavirýs pnevmoniiasyna shaldyqqan, 29 203 adam jazylǵan, 410 adam qaitys bolǵan.
Ekeýin qosa eseptegende naýqastar 157 019 adamǵa jetedi.
Qazir 7 myńnan astam adam koronavirýstan emdelip jatyr. Qazaqstannyń birqatar aimaqtarynda ásirese, Reseimen shekaralas aýmaqtarda karantin kúsheiip, blokbeketter qoiylǵan. SQO, BQO, ShQO, Pavlodar, Qostanai oblysy aýmaǵyna kirý úshin adamdarda koronavirýs juqpaǵanyn dáleldeitin PTR-test anyqtamasy bolýy kerek.
