Qazaqstannyń bas memlekettik sanitar dárigeri Aijan Esmaǵambetova osy ýaqytqa deiin Qazaqstanda koronavirýs juqtyrǵandarmen bailanysta bolǵan 40 myńǵa jýyq azamattyń anyqtalǵanyn málim etti, dep habarlaidy "Ult aqparat".
«Qazirgi tańda Qazaqstanda koronavirýs juqtyrǵan azamattardyń 60 paiyzy emdelý úrdisin jeńil jáne aýrý belgisi joq kúide ótkerýde. 13 adam aýyrlyǵy ortasha kúide, 21 adam aýyr kúide jatyr. 6 adamnyń jaǵdaiy asa aýyr dep baǵalanyp otyr», - dedi Aijan Esmaǵambetova OKQ-da onlain rejimde ótken baspasóz máslihatynda.
Onyń aitýynsha infektsiia oshaqtarynan koronavirýs juqtyrǵandarmen bailanysta bolǵan 39 585 adam anyqtalǵan.
«Onyń ishinde 38 693 adam (nemese 98 paiyzy) anyqtalyp, oqshaýlandy. Jalpy sońǵy aptada infektsiiany juqtyrý deńgeii 10 paiyz deńgeiinde bolǵan edi. Sońǵy táýlikte bul kórsetkish 8 paiyzdy kórsetti. Jekelegen óńirlerde infektsiianyń taralý deńgeii 20-60 paiyzdyq deńgeide», - dedi ol.
