Qazaqstanda koronavirýs týraly jańa sait iske qosyldy. Bul týraly QR Aqparat jáne qoǵamdyq damý ministri Dáýren Abaev aitty, dep habarlaidy "Ult aqparat".
«Qurmetti dostar! Qazir azamattardy koronavirýsqa qatysty jedel ári senimdi málimettermen aqparattandyrý - eń mańyzdy másele. Kei ýaqytta qoǵamdy aqparattandyrý men qarym-qatynastyń jetkilikti dárejede tiimdi bolmai jatqanyn moiyndaý kerek. Túrli aqparat quraldary, ásirese messendjerler arqyly jalǵan aqparattyń taralýy kóptegen qiyndyqtar týyndatýda. Osy oraida coronavirus2020.kz saitynyń iske qosylǵanyn habarlaimyn. Bul resýrsta tótenshe jaǵdai boiynsha, karantin kezindegi tártip pen memlekettiń koronavirýsqa qarsy jasap jatqan sharalary jóninde, sondai-aq, jelide taraǵan jalǵan málimetterdi teriske shyǵarý jáne basqa da barlyq ózekti aqparattar jinaqtalady», - dep jazdy ministr Facebook paraqshasynda.
Saitta sonymen birge aýrýdyń aldyn alý, belgileri, aýrýdyń alǵashqy belgileri baiqalǵanda jasalatyn áreketterdiń erejeleri jariialanǵan jáne bul málimetter halyq paidalanyp, taratý úshin infografika, nusqaýlyq túrinde berilgen.
«Azamattar úshin saitta arnaiy suraq-jaýap aidary bolady, ol jerde árbir paidalanýshy ózine qajetti saýalyna jaýap ala alady. Sizderden osy málimetti taratýdy jáne senimdi aqparat kózderine ǵana júginýdi suraimyn», - deidi Dáýren Abaev.
