قازاقستاندا كوروناۆيرۋس تۋرالى جاڭا سايت ٸسكە قوسىلدى. بۇل تۋرالى قر اقپارات جەنە قوعامدىق دامۋ مينيسترٸ دەۋرەن اباەۆ ايتتى, دەپ حابارلايدى "ۇلت اقپارات".
«قۇرمەتتٸ دوستار! قازٸر ازاماتتاردى كوروناۆيرۋسقا قاتىستى جەدەل ەرٸ سەنٸمدٸ مەلٸمەتتەرمەن اقپاراتتاندىرۋ - ەڭ ماڭىزدى مەسەلە. كەي ۋاقىتتا قوعامدى اقپاراتتاندىرۋ مەن قارىم-قاتىناستىڭ جەتكٸلٸكتٸ دەرەجەدە تيٸمدٸ بولماي جاتقانىن مويىنداۋ كەرەك. تٷرلٸ اقپارات قۇرالدارى, ەسٸرەسە مەسسەندجەرلەر ارقىلى جالعان اقپاراتتىڭ تارالۋى كٶپتەگەن قيىندىقتار تۋىنداتۋدا. وسى ورايدا coronavirus2020.kz سايتىنىڭ ٸسكە قوسىلعانىن حابارلايمىن. بۇل رەسۋرستا تٶتەنشە جاعداي بويىنشا, كارانتين كەزٸندەگٸ تەرتٸپ پەن مەملەكەتتٸڭ كوروناۆيرۋسقا قارسى جاساپ جاتقان شارالارى جٶنٸندە, سونداي-اق, جەلٸدە تاراعان جالعان مەلٸمەتتەردٸ تەرٸسكە شىعارۋ جەنە باسقا دا بارلىق ٶزەكتٸ اقپاراتتار جيناقتالادى», - دەپ جازدى مينيستر Facebook پاراقشاسىندا.
سايتتا سونىمەن بٸرگە اۋرۋدىڭ الدىن الۋ, بەلگٸلەرٸ, اۋرۋدىڭ العاشقى بەلگٸلەرٸ بايقالعاندا جاسالاتىن ەرەكەتتەردٸڭ ەرەجەلەرٸ جارييالانعان جەنە بۇل مەلٸمەتتەر حالىق پايدالانىپ, تاراتۋ ٷشٸن ينفوگرافيكا, نۇسقاۋلىق تٷرٸندە بەرٸلگەن.
«ازاماتتار ٷشٸن سايتتا ارنايى سۇراق-جاۋاپ ايدارى بولادى, ول جەردە ەربٸر پايدالانۋشى ٶزٸنە قاجەتتٸ ساۋالىنا جاۋاپ الا الادى. سٸزدەردەن وسى مەلٸمەتتٸ تاراتۋدى جەنە سەنٸمدٸ اقپارات كٶزدەرٸنە عانا جٷگٸنۋدٸ سۇرايمىن», - دەيدٸ دەۋرەن اباەۆ.
