QR DSM Sanitarlyq-epidemiologiialyq baqylaý komitetiniń tóraǵasy Aijan Esmaǵambetova koronavirýs shtammdaryna qatysty túsinik berdi, dep habarlaidy QazAqparat.
Ortalyq kommýnikatsiialar qyzmetindegi baspasóz máslihatynda koronavirýstyń qandai shtammdary Qazaqstanda anyqtalǵany suraldy.
«Qazaqstanda taralǵan virýstyń genotipin tolyq zertteý múmkindigi bar. Pandemiia bastalǵaly 285 shtamm zertteldi, olar - naýryz aiynan qańtar aiy aralyǵynda bólingen shtammdar. Sizderdi «mýtatsiialanǵan ońtústikafrikalyq, britandyq jáne jańa braziliialyq shtammdary bólindi me» degen suraq mazalap turǵany belgili. Maýsym men qańtar aralyǵynda genotipteý nátijesinde Qazaqstan aýmaǵynda atalǵan shtammdar anyqtalmady», - dedi A. Esmaǵambetova.
Óz kezeginde QR Densaýlyq saqtaý vitse-ministri Ajar Ǵiniiat ońtústikafrikalyq, britandyq jáne braziliialyq shtammdardy elge kirgizbeý úshin memlekettik shekarada tiisti sharalar qabyldanǵanyn eske saldy.
«Sol sebepti elimizge saparlap kelip jatqan azamattar tiisti tekserýden ótip jatyr. Barlyq óńirde shtammdar tekserilip otyr. Qazirgi kezde osy zerthananyń jumysy kúsheitildi», - dedi vitse-ministr.
