قر دسم سانيتارلىق-ەپيدەميولوگييالىق باقىلاۋ كوميتەتٸنٸڭ تٶراعاسى ايجان ەسماعامبەتوۆا كوروناۆيرۋس شتاممدارىنا قاتىستى تٷسٸنٸك بەردٸ, دەپ حابارلايدى قازاقپارات.
ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا كوروناۆيرۋستىڭ قانداي شتاممدارى قازاقستاندا انىقتالعانى سۇرالدى.
«قازاقستاندا تارالعان ۆيرۋستىڭ گەنوتيپٸن تولىق زەرتتەۋ مٷمكٸندٸگٸ بار. پاندەمييا باستالعالى 285 شتامم زەرتتەلدٸ, ولار - ناۋرىز ايىنان قاڭتار ايى ارالىعىندا بٶلٸنگەن شتاممدار. سٸزدەردٸ «مۋتاتسييالانعان وڭتٷستٸكافريكالىق, بريتاندىق جەنە جاڭا برازيلييالىق شتاممدارى بٶلٸندٸ مە» دەگەن سۇراق مازالاپ تۇرعانى بەلگٸلٸ. ماۋسىم مەن قاڭتار ارالىعىندا گەنوتيپتەۋ نەتيجەسٸندە قازاقستان اۋماعىندا اتالعان شتاممدار انىقتالمادى», - دەدٸ ا. ەسماعامبەتوۆا.
ٶز كەزەگٸندە قر دەنساۋلىق ساقتاۋ ۆيتسە-مينيسترٸ اجار عينييات وڭتٷستٸكافريكالىق, بريتاندىق جەنە برازيلييالىق شتاممداردى ەلگە كٸرگٸزبەۋ ٷشٸن مەملەكەتتٸك شەكارادا تيٸستٸ شارالار قابىلدانعانىن ەسكە سالدى.
«سول سەبەپتٸ ەلٸمٸزگە ساپارلاپ كەلٸپ جاتقان ازاماتتار تيٸستٸ تەكسەرۋدەن ٶتٸپ جاتىر. بارلىق ٶڭٸردە شتاممدار تەكسەرٸلٸپ وتىر. قازٸرگٸ كەزدە وسى زەرتحانانىڭ جۇمىسى كٷشەيتٸلدٸ», - دەدٸ ۆيتسە-مينيستر.
