12 qarashada Qazaqstanda 179 adamnan koronavirýs pnevmoniiasy anyqtaldy, 65 adam jazyldy. Sondai-aq ótken táýlikte pnevmoniianyń osy túrinen 3 adam qaitys boldy.
Qazaqstan biligi 1 tamyzdan bastap koronavirýsqa uqsas pnevmoniiaǵa bólek kod berip, pnevmoniianyń sol túrine shaldyqqandardy bólek eseptep keledi. Sodan beri 39 724 adamnan koronavirýs pnevmoniiasy anyqtalǵan, 415 adam qaitys bolǵan, 29 416 adam jazylǵan.
Beisenbi kúni koronavirýs juqqany testpen rastalǵandar arasynda 6 adam ólimi tirkelgen, naýryz aiynan beri koronavirýstan qaitys bolǵandar sany 1924 adamǵa jetti. Elde koronavirýs juqqany testpen dáleldengen 119 129 adam bar: 108 958-i jazylǵan.
«Qazirgi ýaqytta koronavirýstyq infektsiiadan 8 247 adam em qabyldaýdy jalǵastyrýda. Olardyń arasynda 437 bala bar. Statsionarlarda 2 924 naýqas jatyr. 5 323 adam ambýlatoriialyq jaǵdaida emdelýde.
Jalpy naýqastardyń arasynda 192 adamnyń ahýaly nashar. Sonyń ishinde 20 naýqastyń ahýaly asa qatty aýyr dep baǵalanýda. 27 naýqas ókpeni jasandy jeldetý apparatynda jatyr», - delingen Densaýlyq saqtaý ministrliginiń habarlamasynda.
