12 قاراشادا قازاقستاندا 179 ادامنان كوروناۆيرۋس پنەۆمونيياسى انىقتالدى, 65 ادام جازىلدى. سونداي-اق ٶتكەن تەۋلٸكتە پنەۆمونييانىڭ وسى تٷرٸنەن 3 ادام قايتىس بولدى.
قازاقستان بيلٸگٸ 1 تامىزدان باستاپ كوروناۆيرۋسقا ۇقساس پنەۆمونيياعا بٶلەك كود بەرٸپ, پنەۆمونييانىڭ سول تٷرٸنە شالدىققانداردى بٶلەك ەسەپتەپ كەلەدٸ. سودان بەرٸ 39 724 ادامنان كوروناۆيرۋس پنەۆمونيياسى انىقتالعان, 415 ادام قايتىس بولعان, 29 416 ادام جازىلعان.
بەيسەنبٸ كٷنٸ كوروناۆيرۋس جۇققانى تەستپەن راستالعاندار اراسىندا 6 ادام ٶلٸمٸ تٸركەلگەن, ناۋرىز ايىنان بەرٸ كوروناۆيرۋستان قايتىس بولعاندار سانى 1924 ادامعا جەتتٸ. ەلدە كوروناۆيرۋس جۇققانى تەستپەن دەلەلدەنگەن 119 129 ادام بار: 108 958-ٸ جازىلعان.
«قازٸرگٸ ۋاقىتتا كوروناۆيرۋستىق ينفەكتسييادان 8 247 ادام ەم قابىلداۋدى جالعاستىرۋدا. ولاردىڭ اراسىندا 437 بالا بار. ستاتسيونارلاردا 2 924 ناۋقاس جاتىر. 5 323 ادام امبۋلاتورييالىق جاعدايدا ەمدەلۋدە.
جالپى ناۋقاستاردىڭ اراسىندا 192 ادامنىڭ احۋالى ناشار. سونىڭ ٸشٸندە 20 ناۋقاستىڭ احۋالى اسا قاتتى اۋىر دەپ باعالانۋدا. 27 ناۋقاس ٶكپەنٸ جاساندى جەلدەتۋ اپپاراتىندا جاتىر», - دەلٸنگەن دەنساۋلىق ساقتاۋ مينيسترلٸگٸنٸڭ حابارلاماسىندا.
