Qazaqstan koronavirýs infektsiiasynyń taralýyn boldyrmaý úshin birqatar shara qabyldady, dep habarlaidy "Ult aqparat" QR SIM baspasóz qyzmetine silteme jasap.
Qazaqstan Respýblikasynyń aýmaǵynda koronavirýs infektsiiasynyń taralýyn boldyrmaý úshin qabyldanǵan sharalar
1 «A» sanatyndaǵy elder úshin (Iran, Italiia, Qytai, Koreia) kelesi shekteýler engiziledi:
- atalǵan elderdiń azamattaryna jáne sońǵy 30 kún ishinde osy elderge barǵan adamdarǵa vizalardy berý jáne QR aýmaǵyna kirý ýaqytsha toqtatyldy.
Anyqtama: 1 sanattaǵy elderdiń aýmaǵynda turmaityn jáne osy memleketterge sońǵy 30 kún ishinde kelmegen tulǵalar úshin vizalardy resimdeýge jáne QR-ǵa kelýge shekteýler qoldanylmaidy.
1 «A» sanatyndaǵy elderden qaityp oralǵan QR aýmaǵynda turatyn sheteldik azamattar turýǵa yqtiiarhattyń negizinde jáne azamattyǵy joq adamdar Qazaqstanǵa kire alady jáne bul jaǵdaida jergilikti organdarmen belgilengen úi-jailarda oqshaýlanyp, 14 kún merzimge karantinge ornalastyrylady.
- turaqty aviareister, jaiaý ótpe joldar, Qytaimen temir jol/avtomobil jolaýshylar tasymaly toqtatyldy. Iranmen áýe qatynasy toqtatyldy.
Anyqtama: Koreiadan «Almaty-Seýl-Almaty» baǵyty boiynsha aptasyna 2 ret «Eir-Astana» jáne «Aziana-Eirlainz» áýekompaniialary ushady, al «Nur-Sultan-Seýl-Nur-Sultan» baǵyty boiynsha aptasyna 1 ret «Eir-Astana» áýekompaniiasy ushady. «Eir-Astana» áýekompaniiasy tek QR azamattaryn tasymaldaidy.
- resmi jáne úkimettik delegatsiialardy, sondai-aq qyzmettik jáne diplomatiialyq tólqujattardyń ielerin, aviakompaniialardyń ushqyshtary men ekipaj, lokomotiv brigadalarynyń múshelerin, temirjol kóliginde tasymaldaý qyzmetimen ainalysatyn adamdardy jáne júkterdi avtomobilmen halyqaralyq tasymaldaýdy júzege asyratyn júrgizýshilerdi qospaǵanda, 1 «A» sanatyndaǵy elderden kelgen, sol elderde sońǵy bolǵan sátinen bastap 14 kún ótpegen adamdar jergilikti organdar belgilegen úi-jailarda oqshaýlana otyryp, 14 kún merzimge karantinge ornalastyrylady.
1 «B» sanatyndaǵy elder úshin (Germaniia, Ispaniia, Frantsiia):
- atalǵan elderdiń azamattaryna jáne sońǵy 30 kún ishinde osy elderge barǵan adamdarǵa vizalardy berý jáne Qazaqstan aýmaǵyna kirý ýaqytsha toqtatyldy.
Anyqtama: 1 sanattaǵy elderdiń aýmaǵynda turmaityn jáne osy memleketterge sońǵy 30 kún ishinde kelmegen tulǵalar úshin vizalardy resimdeýge jáne QR-ǵa kelýge shekteýler qoldanylmaidy.
1 «B» sanatyndaǵy elderden kelgen QR aýmaǵynda turatyn sheteldik azamattar turýǵa yqtiiarhattyń negizinde jáne azamattyǵy joq adamdar Qazaqstan Respýblikasyna kire alady jáne bul jaǵdaida úide oqshaýlaýǵa ornalastyrylady.
- resmi jáne úkimettik delegatsiialardy, sondai-aq qyzmettik jáne diplomatiialyq tólqujattardyń ielerin, aviakompaniialardyń ushqyshtary men ekipaj, lokomotiv brigadalarynyń múshelerin, temirjol kóliginde tasymaldaý qyzmetimen ainalysatyn adamdardy jáne júkterdi avtomobilmen halyqaralyq tasymaldaýdy júzege asyratyn júrgizýshilerdi qospaǵanda, 1 «B» sanatyndaǵy elderden kelgen, sol elderde sońǵy bolǵan sátinen bastap 14 kún ótpegen adamdar úide oqshaýlaýǵa ornalastyrylady (QR DSM talaptaryna, sonyń ishinde halyq kóp jinalatyn oryndarǵa barmai, úi karantinde bolý). Úide oqshaýlaý erejeleriniń saqtalýyn baqylaý jáne keńes berýdi QR DSM qyzmetkerleri qońyraý shalý arqyly júrgizedi. Úide oqshaýlaý úshin múmkindik bolmaǵan jaǵdaida aýrýhanaǵa jatqyzylady.
- Resmi jáne úkimettik delegatsiialardyń músheleri, qyzmettik jáne diplomatiialyq tólqujattardyń ieleri, aviakompaniialardyń ushqyshtary men ekipaj, lokomotiv brigadalarynyń músheleri, temirjol kóliginde tasymaldaý qyzmetimen ainalysatyn adamdar jáne 1a) jáne 1b) sanatyndaǵy elderden júkterdi avtomobilmen halyqaralyq tasymaldaýdy júzege asyratyn júrgizýshiler 2-sanattaǵy sekilid qońyraý shalý arqyly turǵylyqty (kelgen) jeri boiynsha meditsinalyq baqylaýǵa alynady;
2 sanattaǵy elder úshin (Ulybritaniia, Niderlandy, Shveitsariia):
- 2 sanattaǵy elderden kelgen adamdardy QR shekarasynan ótken kúnnen bastap 14 kún boiy qońyraý shalý arqyly turǵylyqty jeri boiynsha Meditsinalyq-sanitariialyq alǵashqy kómek kórsetý (MSAK) meditsina qyzmetkeriniń baqylaýynda bolady.
3 sanattaǵy elder úshin (Belgiia, Úndistan, Irak, Norvegiia, AQSh, Filippin, Shvetsiia):
- QR Densaýlyq saqtaý ministrligi koronavirýstyq infektsiianyń taralýy boiynsha 3 sanattaǵy elderdegi epidemiologiialyq jaǵdaiǵa monitoring júrgizedi.
Anyqtama: 3 sanattaǵy elderdiń aýmaǵynan kelgen adamdar arnaiy esepke alynyp, elde erkin júre beredi.
