Qaita óńdeý tólemin alyp tastaý týraly ótinishti qaraýǵa arnalǵan baspasóz máslihatynda jeńildetilgen avtonesie baǵdarlamasynyń osy jylǵa arnalǵan jospary aityldy. Jeńildikti nesieleý baǵdarlamasynyń qazir qalai jumys isteitinin salalyq komitet tóraǵasynyń orynbasary Shyńǵys Súiinbaev aityp berdi.
Salalyq komitet ókili Shyńǵys Súiinbaev baǵdarlamanyń revolverlik negizde jumys isteitinin jáne ai saiyn 250-300-den astam kólik shyǵatynyn atap ótti. Degenmen kóptegen shaǵym boiynsha baǵdarlama sharttaryn qaita qaraý josparlanyp jatqanyn eskertti.
"Bizde 4%-dyq memlekettik baǵdarlama bar, ol jerde kezekke turyp, bankterge habarlasý kerek. Endi ony qaita qaraimyz, óitkeni shaǵymdar kóp boldy. Jeńildik ala almai júrgen kópbalaly otbasylarǵa kóbirek baǵyttaǵymyz keledi. Bankterge quzyrymyz júrmegendikten, naryqtaǵy baǵany retteýge tyrysyp kóremiz. Osy boiynsha senat depýtattary da, májilis depýtattary da máseleni qozǵaǵaly otyr", – dep túsindirdi komitet ókili.
Súiinbaevtyń aitýynsha, jeńildetilgen nesie alýda áleýmettik muqtaj azamattarǵa basymdyq berý úshin jalaqy ólshemderin engizý josparlanyp otyr. Bul sheshim de jurtshylyqpen talqylanatyn bolady.
Indýstriia jáne qurylys vitse-ministri Oljas Saparbekov baǵdarlamany qaita qaraý qajettigin aityp, onyń ekinshi deńgeili bankter arqyly jumys isteitinin naqtylady.
Onyń aitýynsha, qarajat áleýmettik qajettilikterge kóbirek bólinip, al baǵdarlamaǵa qosymsha engizý múmkindigi áli qarastyrylyp jatqan joq.
"Biz memlekettik qarajatty áleýmettik mańyzy bar maqsattarǵa baǵyttaý múmkindigin qarastyryp jatyrmyz. Aiyna 200-250 kólik kólemi jetkiliksiz. Biraq biýdjettik múmkindikter shekteýli ekenin túsinýimiz qajet. Bul aqshany paidalana alatyn basqa da bastamalar bar. Baǵdarlamaǵa qosymsha inektsiialar josparlanbaidy, biraq biz ainalymdyq negizde qarajat alamyz, al Qazaqstanda ai saiyn orta eseppen 250-ge jýyq avtokólik satyp alynady. Baǵdarlama ekinshi deńgeili bankter arqyly jumys isteidi, sondyqtan qosymsha aqparat alý úshin osy baǵdarlamaǵa qatysýshy bankterge habarlasýǵa bolady", – dep túsindirdi Saparbekov.
