Foto: kazakhstanhotel.kz
Qazaqstan qonaq úi salasyndaǵy túbegeili ózgeristerge daiyndalýda. Aldaǵy ýaqytta jańartylǵan ornalastyrý oryndary klassifikatsiiasynyń júiesin engizý josparlanyp otyr, dep habarlaidy Ult.kz.
Bul eskirgen standarttardan bas tartýǵa jáne «ózdiginen juldyz berý» jaǵdailaryn joiýǵa baǵyttalǵan. Qazaqstan men Qyrǵyzstannyń birlesken jobasy Aziia Damý banki men Dúniejúzilik týrizm uiymy qoldaýymen júzege asyrylyp, qazirgi tańda Májilis qabyrǵasynda talqylanýda.
Búginde Qazaqstandaǵy qonaq úilerdiń tek 5,7% resmi juldyzdy sanatqa ie. Bul - sapaly qonaq úi qyzmetterine zamanaýi suranys aiasynda óte tómen kórsetkish. Oǵan klassifikatsiiadan ótýge yntalandyrýdyń joqtyǵy, aýditorlardyń biliktiligine qoiylatyn talaptardyń jetkiliksizdigi jáne onyń áserinen sapany obektivti baǵalaýdyń qiyndaý sebep bolyp otyr. yn Keńestik kezeńde qabyldanǵan eski standarttar qazirgi talaptarǵa sáikes kelmeidi jáne jańartýdy qajet etedi.
«Jańa standart nátijeli júzege asýy úshin Kazakh Tourism kompaniiasyn osy bastamanyń operatory retinde taǵaiyndaý usynylady. Osylaisha biz Qazaqstandaǵy qonaq úilerdiń jańa standartpen barynsha qamtylýyn jáne bul júieniń engizilýin qamtamasyz etemiz. Sońǵy 3-4 jyl ishinde ázirlengen jańa qonaqúi standarty erikti negizde, biraq mańyzdy shekteýleri bolady. Bizdiń maqsatymyz – qyzmet kórsetý sapasyn jaqsartý jáne qazaqstandyq qonaqúilerdiń básekege qabilettiligin arttyrý. Biz týristerdiń senimin arttyrýǵa jáne júieniń ashyqtyǵyna basa nazar aýdaramyz», – dedi «Kazakh Tourism» UK basqarma tóraǵasynyń orynbasary Daniel Serjanuly.
Negizgi jańalyqtardyń biri - tiisti tekserýsiz «juldyzdardy» iemdený múmkindigin joiý. Jańartylǵan júiede qonaq úi úsh juldyzdy ala alady nemese talaptarǵa sai kelmese, sanaty bolmaidy.
Rásimderdiń ashyqtyǵy úshin jikteý protsesin tsifrlandyrý da mańyzdy ózgeristerdiń birine ainalmaq. Reforma qyzmet kórsetý sapasyn arttyrýǵa baǵyttalǵan jáne týristerdiń qonaiq úilerge kóńil tolý deńgeiine tikelei áser etedi.
Jańa standart qonaq úiler úshin beiimdelgen jáne jańartylǵan talaptardy qamtidy. Bul óz kezeginde qyzmet kórsetý sapasyn jaqsartýǵa ǵana emes, sonymen qatar qonaq úi biznesin básekege qabiletti etýge múmkindik beredi.
Jikteý bastamasy Almaty-Bishkek ekonomikalyq dálizin damytý baǵdarlamasyna kiredi jáne eki eldiń týristik infraqurylymynyń damytýdaǵy mańyzdy qadam bolmaq.
