Qazaqstanda kompiýterlerdiń, elektrondy jáne optikalyq ónimderdiń óndirisi 23,3 paiyzǵa kemigen, dep habarlaidy energyprom.kz.
Jalpy elde elektrondy ónerkásip salasyn yntalandyryp, aldaǵy 3 jylda onyń kólemin 8,5 ese arttyrý josparda bar. Áitse de, 2020 jyldyń qańtar-tamyz ailarynda kompiýterlerdiń, elektrondy jáne optikalyq ónimderdiń óndirisi 13,2 mlrd teńgege jetip, ótken jyldyń uqsas kezeńimen salystyrǵanda 23,3 paiyz tómendegen. Ónerkásiptik óndiris indeksi 77,6 paiyzdy ǵana quraǵan.
Málimetterdi salystyrsaq, 2019 jyldyń qańtar-tamyz ailarynda sektordaǵy óndiris kólemi 38,5 mlrd teńgege jetip, onyń aldyndaǵy uqsas kezeńnen qaraǵanda 13,4 paiyzdyq ósimge jetken edi.
«Jalpy bul saladaǵy búkil óndiristiń tórtten úsh bóligi úsh aimaqqa tiesili: Almaty (7 mlrd tg), Nur-Sultan (1,4 mlrd tg) jáne Soltústik Qazaqstan oblysy (1,2 mlrd tg). Sektorda «LG Electronics Almaty» AQ (elektrondy detaldar óndiris), «Logikom» AQ (kompiýterler men i periferiialyq qurylǵylar óndiris), «Saiman korporatsiiasy» JShS (elektr toǵyn esepteýdiń elektrondy qurylǵysy), «Orion-sistema» JShS (symsyz málimet taratýǵa arnalǵan modýlder) sekildi iri kompaniialar jumys isteidi», - delingen aqparat kózinde.
Degenmen anyqtaýshy tsifrlyq kólikterdiń óndirisi 1,8 ese ósip, olardyń 7,9 myń danasy óndirilgen. Biraq elektrondy jáne optikalyq qurylǵy óndirisiniń basqa sektorlary quldyrap tur.
Máselen televiziialyq priemniktardyń óndirisi 1,8 ese( 30,6 myń danaǵa deiin), elektr qýatyn esepteýishterdiń óndirisi 31,9 paiyzǵa (144,4 myń dana), fizikalyq basqa da baqylaý qurylǵylary 5,4 ese, 4,4 myń danaǵa deiin azaiǵan.
