Qazaqstanda kómirsýtek shikizaty boiynsha jer qoinaýyn paidalaný quqyǵyn berýge arnalǵan ekinshi elektrondy aýktsion ótedi, dep habarlaidy QazAqparat Energetika ministrligine silteme jasap.
23 sáýirde saǵat 09:00-de elektrondy aýktsiondar operatorynyń saitynda jer qoinaýyn paidalaný quqyǵyn berýge arnalǵan ekinshi elektrondyq aýktsion ótedi.
Buǵan deiin 2020 jylǵy 23 jeltoqsanda 10 jer qoinaýy ýchaskesi boiynsha birinshi elektrondyq aýktsion tabysty ótkizildi. Kómirsýtekter shikizaty boiynsha jer qoinaýyn paidalaný quqyǵyn berýge arnalǵan ekinshi elektrondy aýktsiondy. Energetika ministrligi 2021 jylǵy 23 qańtarda 15 jer qoinaýy ýchaskesi boiynsha vedomstvonyń internet resýrsynda jariialaǵan.
Elektrondy aýktsionǵa shyǵarylǵan 15 ýchaskeden 23 sáýirde tek 8 ýchaske boiynsha aýktsion ótkiziledi, qalǵan 7 ýchaske boiynsha «Jer qoinaýy jáne jer qoinaýyn paidalaný týraly» QR kodeksiniń 99-baby 1-tarmaǵyna sáikes qatysýshylardyń eń az sanynyń bolmaýyna bailanysty jer qoinaýyn paidalaný quqyǵyn berý aýktsiony ótkizilmeidi.
Esterińizge sala ketsek, Energetika ministrligi «Qazaqstan Respýblikasynyń keibir zańnamalyq aktilerine jer qoinaýyn paidalaný, gaz jáne gazben jabdyqtaý máseleleri boiynsha ózgerister men tolyqtyrýlar engizý týraly» 2019 jylǵy 30 jeltoqsandaǵy zańdy iske asyrý maqsatynda birqatar quqyqtyq akti qabyldady. Onyń ishinde «Kómirsýtekter boiynsha jer qoinaýyn paidalaný quqyǵyn berýge arnalǵan elektrondyq aýktsiondar operatorynyń internet resýrsyn paidalana otyryp, elektrondy nysanda aýktsion ótkizý qaǵidalaryn bekitý týraly» 2020 jylǵy 30 shildedegi № 269 buiryq bar.
«Osylaisha, «Jer qoinaýy jáne jer qoinaýyn paidalaný týraly» kodekske engizilgen túzetýge sáikes, eger aýktsiondar buryn qaǵaz júzinde júrgizilip, qatysýshylarǵa qolaisyzdyq týǵyzsa, 2020 jyldyń 1 qyrkúieginen bastap, jer qoinaýyn paidalaný quqyǵyn alýǵa múddeli tulǵa aýktsiondarǵa onlain tártipte qatysa alady.
Jańa tetik naryqtyń ashyqtyǵyn qamtamasyz etip, biýrokratiiany azaitady jáne biznes úshin de, memleket úshin de shyǵyndardy aitarlyqtai kemitedi», delingen habarlamada.
Aýktsion arqyly jerge menshik quqyǵy emes, jer qoinaýyn paidalaný quqyǵy beriledi. Bul quqyq «Jer qoinaýy jáne jer qoinaýyn paidalaný» Kodeksinde retteledi, ýchaskelerdegi kez kelgen tehnologiialyq protsester QR Energetika ministrligi janyndaǵy Barlaý jáne igerý jónindegi ortalyq komissiiada qaralady.
Jer qoinaýyn paidalaný quqyǵyn alǵan investor jergilikti atqarýshy organmen jerdi jaldaý týraly shartqa qol qoiady. Jobalaý qujatyn ázirleý aldynda árbir jer qoinaýyn paidalanýshy jergilikti turǵyndardyń qatysýymen qoǵamdyq tyńdaý ótkizýge mindetti.
Aýktsionnyń barysyn kez kelgen adam baqylai alady. Bul úshin operator, iaǵni «Aqparattyq-esepteý ortalyǵy» AQ, jeke ashyq aýktsion zalyn qurdy.
Ministrliktiń Facebook akkaýntynda onlain transliatsiia kezinde kórmege qoiylǵan ýchaskelerge qatysty sol kezdegi jaǵdai ornalastyrylady, ol jarty saǵat saiyn jańartylyp otyrady.
