2019 jyldyń birnshi jartyjyldyǵynda Qazaqstanda qolma-qol aqshasyz esep aiyrysý kólemi 2 esege ósti, dep habarlaidy ranking.kz saity.
«2019 jyldyń qańtar-maýsymynda qolma-qol aqshasyz esep aiyrysý kólemi jyl ishinde 2 esege ósip, 4,8 trln teńgeni qurady. Al osy kezeńdegi tranzaktsiialar sany 192,8 millionnan 460,3 millionǵa deiin artty. Ótken jyldyń sáikes kezeńinde qolma-qol aqshasyz tólemderdiń somasy 2,2 trln teńgeni quraǵan edi», - dep jazady portal.
2018 jyldyń ishinde internet arqyly bólshek saýda kólemi 144,6 mlrd teńgeni qurap, bólshek saýdanyń jalpy kólemindegi úlesi 1,4 paiyzǵa teń boldy.
QR Saýda jáne integratsiia ministrliginiń málimetinshe, saýda-sattyqtyń shamamen 40 paiyzy áli de kóleńkede qalyp otyr, iaǵni salyq salynbaidy. Saýdany kóleńkeden shyǵarý tetikteriniń biri – saýda infraqurylymdaryn, onyń ishinde saýda bazarlaryn jańǵyrtý. Máselen, turaqsyz bazarlardyń barlyǵyn kezeń-kezeńimen zamanaýi saýda formatyna kóshirý josparlanǵan.
Kóterme-bólý ortalyqtarynyń qurylysy boiynsha da jumys júrgizilip jatyr. Buǵan qosa, vedomstvo elektrondy kommertsiia salasyn damytý boiynsha jumys júrgizýde.
