Qazaqstanda tólem kartalary arqyly 52 trln teńgege 3,2 mlrd operatsiia júrgizilgen. Bul 2019 jylǵa qaraǵanda 1,7 ese joǵary,dep habarlaidy "Ult aqparat" Ulttyq banktiń baspasóz qyzmetine silteme jasap.
Ulttyq banktiń málimetinshe, tólem kartalarymen jasalǵan on tranzaktsiianyń toǵyzy qolma-qol aqshasyz jasalǵan. 2020 jyl ishinde qazaqstandyq emitentterdiń tólem kartalaryn qoldana otyryp, 35,3 trln teńgeniń 2,9 milliard qolma-qol aqshasyz operatsiiasy júzege asyryldy. Bul 2019 jylǵy kórsetkishten 2,4 jáne 2,5 ese asyp túsedi.
Pandemiia kezinde elde qolma-qolsyz tranzaktsiialar men internet-dúkender kóbeidi. Bul qolma-qol aqsha alý sanynyń azaiýymen rastalady. 2020 jyly olardyń sany 21%-ǵa azaidy (297 mln operatsiia). Tólem kartochkalaryn ustaýshylar 16,6 trln teńgeni qolma-qol aqshaǵa ainaldyrdy.
1 aqpanyndaǵy jaǵdai boiynsha 49,3 million tólem kartasy ainalymda boldy, 26,5 million kartany (53,8%) ustaýshylar belsendi paidalanady.
Tólem kartalary arqyly taýarlar men qyzmetterge aqy tóleý infraqurylymy da keńeiip keledi.Tólem kartalaryn qabyldaityn kásipkerler sany artty. Karta arqyly tólem qabyldaityn kásipkerler sany – 108 myńnan, al saýda núkteleri – 169 myńnan asty. Qazaqstanda barlyǵy 203 myń POS-terminal jumys isteidi.
2019 jylmen salystyrǵanda, karta arqyly tólem qabyldaityn bólshek saýda oryndary (26%-ǵa) men POS-terminaldardyń (26%-ǵa) kóbeigeni baiqalady. 2020 jyldyń sońyna qarai POS-terminaldardyń 86%-y kontaktsyz tólem fýnktsiiasyn qoldady.
