قازاقستاندا تٶلەم كارتالارى ارقىلى 52 ترلن تەڭگەگە 3,2 ملرد وپەراتسييا جٷرگٸزٸلگەن. بۇل 2019 جىلعا قاراعاندا 1,7 ەسە جوعارى,دەپ حابارلايدى "ۇلت اقپارات" ۇلتتىق بانكتٸڭ باسپاسٶز قىزمەتٸنە سٸلتەمە جاساپ.
ۇلتتىق بانكتٸڭ مەلٸمەتٸنشە, تٶلەم كارتالارىمەن جاسالعان ون ترانزاكتسييانىڭ توعىزى قولما-قول اقشاسىز جاسالعان. 2020 جىل ٸشٸندە قازاقستاندىق ەميتەنتتەردٸڭ تٶلەم كارتالارىن قولدانا وتىرىپ, 35,3 ترلن تەڭگەنٸڭ 2,9 ميلليارد قولما-قول اقشاسىز وپەراتسيياسى جٷزەگە اسىرىلدى. بۇل 2019 جىلعى كٶرسەتكٸشتەن 2,4 جەنە 2,5 ەسە اسىپ تٷسەدٸ.
پاندەمييا كەزٸندە ەلدە قولما-قولسىز ترانزاكتسييالار مەن ينتەرنەت-دٷكەندەر كٶبەيدٸ. بۇل قولما-قول اقشا الۋ سانىنىڭ ازايۋىمەن راستالادى. 2020 جىلى ولاردىڭ سانى 21%-عا ازايدى (297 ملن وپەراتسييا). تٶلەم كارتوچكالارىن ۇستاۋشىلار 16,6 ترلن تەڭگەنٸ قولما-قول اقشاعا اينالدىردى.
1 اقپانىنداعى جاعداي بويىنشا 49,3 ميلليون تٶلەم كارتاسى اينالىمدا بولدى, 26,5 ميلليون كارتانى (53,8%) ۇستاۋشىلار بەلسەندٸ پايدالانادى.
تٶلەم كارتالارى ارقىلى تاۋارلار مەن قىزمەتتەرگە اقى تٶلەۋ ينفراقۇرىلىمى دا كەڭەيٸپ كەلەدٸ.تٶلەم كارتالارىن قابىلدايتىن كەسٸپكەرلەر سانى ارتتى. كارتا ارقىلى تٶلەم قابىلدايتىن كەسٸپكەرلەر سانى – 108 مىڭنان, ال ساۋدا نٷكتەلەرٸ – 169 مىڭنان استى. قازاقستاندا بارلىعى 203 مىڭ POS-تەرمينال جۇمىس ٸستەيدٸ.
2019 جىلمەن سالىستىرعاندا, كارتا ارقىلى تٶلەم قابىلدايتىن بٶلشەك ساۋدا ورىندارى (26%-عا) مەن POS-تەرمينالداردىڭ (26%-عا) كٶبەيگەنٸ بايقالادى. 2020 جىلدىڭ سوڭىنا قاراي POS-تەرمينالداردىڭ 86%-ى كونتاكتسىز تٶلەم فۋنكتسيياسىن قولدادى.
