Qazaqstanda kolledjderde qabyldaý emtihandary bolmaidy. Bul týraly QR Bilim jáne ǵylym vitse-ministri Bibigúl Asylova málim etti, dep habarlaidy "Ult aqparat".
«Ministrlik jergilik atqarýshy organdarmen birlese qarajatty naqty stýdentke bekitý ustanymy boiynsha memlekettik tapsyrysty ornalastyrýdyń jańa tetigi daiarlandy. Eger osyǵan deiin óńirlerdiń bilim basqarmasy kolledjder arasynda memlekettik tapsyrysty ózderi ornalastyrsa, endi jańa mehanizm boiynsha JOO –ǵa jáne «Balapan» baǵdarmasyna uqsas abitýrentter kolledjdi ári mamandyqty ózderi tańdaidy», - dedi vitse-ministr Májilistiń Áleýmettik-mádeni damý komitetiniń keńeitilgen otyrysynda.
Osy oraida ol jańa ereje boiynsha abitýrentter kolledjge qalai túsetinin aityp berdi.
«Jańa mehanizmge sáikes, pedagogikalyq, meditsinalyq jáne shyǵarmashylyq mamandyqtar boiynsha arnaiy synaqtardan bólek, kolledjderde qabyldaý emtihany bolmaidy», - dedi B. Asylova.
Budan buryn habarlanǵandai, tehnikalyq jáne kásiptik bilim berý salasynda memlekettik tapsyrysty qalyptastyrý men ornalastyrýdyń jańa erejesi ázirlendi.
«Ministrlik kadrlar boiynsha ekonomikanyń orta ári uzaq merzimdegi qajettiginiń boljamyn, óńirlik eńbek naryǵyn jáne jańa kásipter men quzyretterdiń atlasyn eskere otyryp, memlekettik tapsyrysty qalyptastyrý men ornalastyrrdyń erejesin ázirledi», - dedi vitse-ministr.
