Oqý-aǵartý ministri Ǵani Beisembaev jańa oqý jylynda kolledj stýdentteriniń shákirtaqysy ósetinin málimdedi.
Ǵani Beisembaev memleket basshysynyń tapsyrmasy boiynsha TjKB júiesinde memlekettik tapsyrysty ulǵaitý boiynsha jumystar belsendi júrgizilip jatqanyn habarlady.
"Búginde 145 myń grant bólindi, onyń 65 paiyzy tehnikalyq mamandyqtarǵa baǵyttalǵan. Sondai-aq 1 qyrkúiekten bastap kolledj stýdentteriniń shákirtaqysy ótken jylǵy deńgeiden 50 paiyzǵa artady (2022 - 21 myń teńge, 2023 - 32 myń teńge, 2024-43 myń teńge)", - dedi ol.
Aita keteiik, osyǵan deiin Oljas Bektenov 2024 jyldyń 1 qyrkúieginen bastap kolledjder men ýniversitet stýdentteriniń shákirtaqysyn arttyrýdy kózdeitin qaýlyǵa qol qoiǵan edi.
Oǵan sáikes:
Kolledj stýdentteri úshin shákirtaqy 50 paiyzǵa artady:
- jumysshy mamandyqtary boiynsha 43 574 teńge;
- orta býyn mamandary úshin 41 896 teńge bolady.
Bakalavriat stýdentteriniń stipendiia 20 paiyzǵa artyp, 47 135 teńgege deiin, al pedagogika jáne meditsina baǵyttaryndaǵy bilim alýshylardyń stipendiiasy 75 600 teńgege deiin kóbeiedi.
Internatýrada oqityndarǵa stipendiia 85 376 teńge, al rezidentýrada – 123 122 teńge kóleminde tólenedi.
Magistranttar men doktoranttarǵa stipendiia 15 paiyzǵa artady, onyń mólsheri tiisinshe 107 061 teńge jáne 240 000 teńge bolady.
