Sýret: kazaknews.kz
Buǵan deiin kólik quraldaryn qaita tirkeý úshin avtokólikti satyp alý-satýdyń notarialdy kýálandyrylǵan sharty qajet bolatyn. Endi mamandandyrylǵan HQKO qyzmetkeri elektrondyq qujatty júiede qalyptastyra alady. Al satýshy men satyp alýshy eGov mobile qosymshasynyń kómegimen QR – kod skanerleý arqyly qujatqa qol qoia alatyn bolady.
Aita ketý kerek, bul qyzmet «Azamattarǵa arnalǵan úkimetke» tiesili.
"Bul jańashyldyq qyzmet alýshylardyń yńǵailylyǵy men jailylyǵy úshin jáne kólik quraldaryn tirkeý kezinde sybailas jemqorlyqty joiý maqsatynda engizildi. Endi Memlekettik korporatsiianyń, QR IIM jáne «UAT» AQ aqparattyq júieleriniń yqpaldasýynyń nátijesinde avtokólikti qaita resimdeý protsesi ashyq bolady. Mámileni tirkeý kezinde jalǵan qol qoiý múmkin emes", - delingen memlekettik korporatsiia habarlamasynda.
Qyzmet alýshylar júgingen kezde mamandandyrylǵan halyqqa qyzmet kórsetý ortalyǵynyń operatory satýshy men satyp alýshy týraly, sondai-aq kólik quraly jaily málimetterdi júiege engizedi. Osydan keiin júie avtomatty túrde mámileniń elektrondyq jazbasha nysanyn qalyptastyrady jáne ekranǵa QR kod shyǵarylady. Ony skanerlegennen keiin, avtokólikti satýshy jáne satyp alýshy taraptar qujatpen tanysyp, oǵan ETsQ kómegimen qol qoia alady.
Sondai-aq, uiymnyń múddelerin bildirýge senimhaty jáne ETsQ paidalaný quqyǵy bar zańdy tulǵalardyń ókilderi úshin de bul protsesstiń analogy eGov business qosymshasy arqyly qoljetimdi.
Osy tusta, kólik quraldaryn qaita rásimdeý kezinde mámileniń qaǵaz túrindegi jazbasha nysanyn qabyldaý osy jyldyń 23 sáýirinde QR IIM kólik quraldaryn tirkeý jáne esepke alý qaǵidalaryna ózgerister men tolyqtyrýlar engizilgendikten joiylǵanyn esterińizge sala keteiik.
