QR Aqparat jáne qoǵamdyq damý ministri Dáýren Abaev Qazaqstanda satylǵan avtokólikterdiń árbir ekinshisi otandyq kásiporyndardan shyǵarylǵan, dep habarlaidy "Ult aqparat".
«Álemdik ekonomikalyq qiyn jaǵdailardyń qalyptasýyna bailanysty Prezident Qasym-Jomart Kemeluly daǵdarysqa qarsy sharalar paketin qabyldaýdy tapsyrdy. Ol sharalar týraly Úkimet te, Úkimet basshysy Asqar Uzaqbaiuly da birneshe márte aitqan bolatyn», - dedi Dáýren Abaev «Ashyq dialog» baǵdarlamasynda.
Dáýren Abaev osy sharalardyń negizgilerine toqtalyp ótti.
«Basty basymdyq – jumyspen qamtý, jumys oryndaryn saqtap qalý. Máselen bizdiń eldegi taý-ken keshenderi men jalpy óńdeý ónerkásibinde 700 myń adam jumys isteidi. Olardyń birde-biri jumysyn joǵaltpaidy. Qurylys salasynda kerisinshe jumys aýqymyn 20 mln sharshy metrge kóbeitý kózdelgen. Osynyń arqasynda jumys oryndary saqtalyp qana qoimai, qosymsha ashylatyn da bolady. Óte mańyzdy másele: josparlanǵan joldardyń bári de biyl qoldanysqa beriledi», - dedi ol.
Dáýren Abaev munai baǵasynyń quldyrap ketkenin, alaida qazirgi jaǵdaida memleket úshin onyń baǵasy emes, jumys oryndaryn saqtap qalý mańyzdyraq ekenin jetkizdi.
«Sebebi munai-gaz salasynda 1500-ge tarta kompaniia jumys isteidi. Ol 100 myńdaǵan jumys oryny degen sóz. Indýstriialandyrý baǵdarlamasy qansha márte synǵa ushyraǵany esińizde bolar. Indýstriialyq damý baǵdarlamasy bastalǵaly beri 1300-ge tarta joba ashyldy. Olarda 250 myń adam jumys isteýde. Osynyń arqasynda biyl mashina quraý deńgeii 20 paiyzǵa, jeńil ónerkásip 8 paiyzǵa artty. Mundai kórsetkishterimiz jeterlik. Óńdeý ónerkásibindegi jiyntyq óndiristiń kólemi indýstrializatsiia jyldarynda 71 trln teńgege jetti. Qazaqstanda teplovoz, avtobýs, vagon, júk tasymaldaý kemeleri, mobildi-burǵylaý keshenderi, motorly mailar, radiatorlar shyǵaryla bastady», - dedi ol.
Ministrdiń aitýynsha Qazaqstanda qazir kólikterdiń 167 modeli shyǵarylýda.
«Búgingi tańda Qazaqstanda satylǵan árbir ekinshi avtokólik otandyq óndiriske tiesili. Buryn Qazaqstannyń avtokólik salasyndaǵy talap-tilegine bireýler kúletin. Ondailar bul jai ǵana quralǵan kólikter deitin. Biraq Qostandai qazir usaq ýzeldik quraý jumystary da bastalyp ketti. Bul baǵyttaǵy jumys jalǵasyn tabady», - dedi ministr.
