Halyqqa Qazaqstanda qoldanylatyn vaktsinalardyń báriniń qaýipsizdigin túsindirý qajet. Bul týraly Úkimet otyrysynda QR Premer-Ministri Asqar Mamin aitty, dep habarlaidy "Ult aqparat".
«Densaýlyq saqtaý ministrligi ákimdiktermen birge kóshpeli vaktsinatsiialaý pýnktterin keńinen qoldanyp, aýyl turǵyndaryn barynsha kóp vaktsinatsiialaýdy qamtamasyz etsin. Jáne de áleýmettik-ekonomikalyq nysandardyń jumysyn shekteýdiń jańa kriteriilerin engizýdi, vaktsina alǵandar úshin jeńildikter berýdi baqylaýda ustaý qajet», - dedi Úkimet basshysy.
Premer-Ministrdiń atap ótýinshe, bul ásirese qyzmet kórsetý salasynda biznesti jandandyrýǵa múmkindik beredi.
«Aqparat ministrligi Densaýlyq saqtaý ministrligimen, ákimdiktermen birlesip, vaktsinatsiialaý boiynsha júrgizilip jatqan jumys, Qazaqstanda qoldanylatyn vaktsinalardyń báriniń qaýipsizdigi, vaktsinany tańdaý múmkindigi men shekteý sharalary týraly túsindirý jumysyn keńeitsin», - dedi Asqar Mamin.
