Endigi ýaqytta elimizde jaryq kóretin týyndylar aldymen halyqtyń talqysyna salynady, dep habarlaidy QazAqparat.
«Bizde otandyq jazýshylardyń týyndylaryn shyǵarýǵa arnalǵan baǵdarlama bar. Soǵan sáikes biyl bizdiń ministrliktiń qoldaýymen shyǵatyn kitaptardyń barlyǵy aldymen kitap palatasynyń saityna jariialanady. Ol jerde ár oqyrman jańa týyndymen tanysa alady jáne oqyp bolǵan soń óziniń oi-pikirin qaldyrý múmkindigi bar. Mundaǵy maqsat – oqyrmannyń pikirin elep, sol arqyly jaryq kóretin kitaptardyń sany men sapasyn arttyrý», - dedi QR Mádeniet jáne sport ministriniń orynbasary Nurǵisa Dáýeshov.
Onyń aitýynsha, jańa týyndyny shyǵarmas buryn buqaranyń talqysyna salyp, oiyn tyńdaǵan abzal.
«Kitaptyń oqyrmany - halyq. Sondyqtan jurt qandai kitap shyǵyp jatqanyn, onyń avtory kim ekeni bilgeni jón. Iaǵni, ministrlik kópshiliktiń talqysynan túsken soń ǵana jaryqqa shyǵaratyn kitaptardyń tizimin jasaqtap, irikteý jasaidy. Árine bul jerde oqyrman pikirinen bólek, sala mamandarynan qurylǵan arnaiy komissiia jumys isteidi. Degenmen halyqpen keńesý - basty maqsatymyzdyń biri bolyp otyr», - deidi ol.
