2021 jyldyń 15 sáýiri men 15 mamyry aralyǵynda elimizdiń 12 oblysynda keń aýqymdy «Kiik» tabiǵat qorǵaý aktsiiasy ótedi, dep habarlaidy "Ult aqparat" QR Ekologiia jáne geologiia ministrliginiń Telegram kanalyna silteme jasap.
Is-sharanyń bastamashylary Ekologiia, geologiia jáne tabiǵi resýrstar, Ishki ister ministrlikteri jáne Ulttyq qaýipsizdik komiteti. Atalǵan vedomstvo basshylary «Kiik» tabiǵatty qorǵaý aktsiiasyn ótkizý týraly» birlesken buiryqqa qol qoidy.
Aktsiianyń maqsaty laktatsiia kezeńinde kiikterdi qorǵaýdy kúsheitý, sondai-aq el aýmaǵynda tabiǵatty qorǵaý zańnamasyn buzýdyń jolyn kesý boiynsha birlesken is-sharalardy uiymdastyrý bolyp tabylady.
Buiryq sheńberinde aktsiiany ótkizý kezinde quqyq qorǵaý jáne tabiǵat qorǵaý organdarynyń ózara is-qimyly jónindegi úilestirý shtaby, sondai-aq birlesken is-qimyl jospary bekitildi.
«Aktsiia barysynda quqyq qorǵaý organdarymen birlesip kiik múiizderiniń zańsyz ainalymyna qarsy is-qimyl jáne olardy elden tys jerlerge shyǵarý boiynsha sharalar kúsheitiletin bolady», - delingen habarlamada.
